भांगरभूंय | प्रतिनिधी
अमिता सलत्री: म्हापशेंच्या प्रियंका डान्स अकादमी वतीन आयोजीत नाच सुवाळो उमेदीन
पणजी: भारतीय शास्त्रीय संगीत प्रकार अद्वीतीय आसात. तातूंत नाच शिकतना शारीर आनी मन ताजें उरता, अशें अभिनेत्री अमिता सलत्री हांणी सांगलें.
म्हापशेंच्या प्रियंका डान्स अकादमी वतीन नाच सुवाळ्याचें आयोजन हांगच्या हनुमान नाट्य सभाघरांत केल्लें. ह्या सुवाळ्याक अभिनेत्री अमिता सलत्री ही मुखेल सोयरी म्हणून उलयताली. ह्या वेळार नामनेचे गायक अक्षय नायक हे मानाचे सोयरे म्हणून हाजीर आशिल्ले. खासा आमंत्रीत म्हणून अभिनेत्री रेवती चिटणीस, विजय राणे आनी स्मृती पाटकार हाजीर आशिल्लीं.
ह्या वेळार नाचाचे विवीध प्रकार विद्यार्थ्यांनी सादर केले. ह्या वेळार हाजीर आशिल्ल्या मानेस्तांनी आपापले विचार मांडले. संकेत राणे हांणी हेर नृत्यांगना वांगडा उत्कृश्ठ तरेन नाच सादर करून सगळ्यांचीं मनां जिखलीं.
ह्या सुवाळ्यांत वांटो घेतिल्ल्या सगळ्या विद्यार्थ्यांक प्रमाणपत्रां आनी भेटवस्त मानेस्तां हस्तुकीं भेटयलीं. योगेश पेडणेंकार हांणी हे कार्यावळीचें सुत्रसंचालन केलें. तशेंच अमिता सलत्री हांचे हस्तुकीं योगेश पेडणेंकार हाचो ह्या वेळार भोवमान जालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
