भारतीय विद्यार्थ्यां खातीर व्हिसा नेमांत बदल
भांगरभूंय | प्रतिनिधी
7 क्षेत्रांनी थारतले पात्र
मेलबाॅर्न : ऑस्ट्रेलियांत शिकपी भारतीय विद्यार्थ्यां खातीर शेनवारा सावन नवे व्हिसा नेम लागू जाल्यात. आतां भारतीय पदवीधर विद्यार्थ्यांक 8 वर्सां स्पॉन्सरशिप नासतना ऑस्ट्रेलियन संस्थांनी नोकऱ्यां खातीर अर्ज करपाक मेळटा.
भारत आनी ऑस्ट्रेलिये मदीं फाटल्या म्हयन्यांत द्विपक्षीय करार जाल्लो. मोबिलिटी अॅरेजमेंट फॉर टॅलेंटेड अर्ली प्रोफेशनल्स येवजण (एमएटीईएस) ह्या नांवान ही नवी येवजण सुरु केल्या. हे येवजणे खाला भारतांतल्या तरणाट्या वेवसायिकां खातीर वर्सुकी 3 हजार स्पॉट मेळटले. हाका लागून व्हिसा स्पॉन्सरशिप नासतना ऑस्ट्रेलियांत 2 वर्सां रावपाक मेळटा.
अभियंतो, म्हायती आनी संचार तंत्रज्ञान, कृत्रिम बुद्धिमत्ता, अर्थीक तंत्रज्ञान ह्या सारक्या 7 क्षेत्रांनी भारतीय वेवसायीक व्हिसा खातीर पात्र थारतले. मजगतीं, ब्रिटनांतल्या भारतीय विद्यार्थ्यांक पदवी मेळयले उपरांत नोकरी मेळना जाल्यार उण्यांत उणें दोन वर्सां स्टुडंट व्हिसा आनी ग्रेजुएट व्हिसा घेवन रावपाक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
