भांगरभूंय | प्रतिनिधी
नोव्हेंबरांत जर तुमी खंयूर वचपाचो प्लॅन करतात जाल्यार भारतीय रेल्वे तुमका एक बरी संद दिता. भारतीय रेल्वे म्हळ्यार IRCTCन उण्या बजेटांत विवीध सुवातांचेर भोंवपाचें एक खास टूर पॅकेज हाडलां. जाचे वरवीं तुमचीं कसलेच तरेचें टेन्शन घेनासतना भोंवपाक शतकतात. हे पॅकेजींत हॉटेल पसून सकाळची च्या, प्रवास विमो अश्यो जायत्यो सुविधा उपलब्ध आसात. आयआरसीटीसीच्या वेबसायटीवेल्यान तुमकां हे पॅकेजीची बुकींग करपाक मेळटा. हे पॅकेजीची म्हायती आयआरसीटीसीन ट्विट करून दिल्या.
भारतीय रेल्वे तुमकां नोव्हेंबरांत दक्षीण भारत भोंवपाची संद दिता. आयआरसीटीसीची ही एक बरी संद जावन आसा. हे पॅकेजींतल्यान तुमी नोव्हेंबरांत कन्याकुमारी, मदुराई, रामेश्वरम हांगा भोंवपाचो प्लॅन करपाक शकतात. ६ दिसांच्या ह्या पॅकेज टुरांत रावपा, जेवण आनी विमान तिकेटींचो आसपाव आसा. पॅकेजशी संबंधित महत्त्वाचे तपशील जाणून घेयात.
पॅकेजींचें नांव- दक्षीण भारत टूर
पॅकेजीचो काळ- ५ राती आनी ६ दीस
प्रवास – फ्लायट
कव्हर केल्ले डेस्टिनेशन- कन्याकुमारी, कोवलम, मदुराई, रामेश्वरम, त्रिवेंद्रम
केन्ना प्रवास करपाक मेळटलो?: नोव्हेंबर म्हयन्यांत.
तुमकां ह्यो सुविधा मेळटल्यो
रावपाक हॉटेलाची वेवस्था.
जेवणाची सुविधा उपलब्ध आसतली.
तुमकां ट्रॅव्हल इन्शुरन्साचीय सुविधा मेळटली.
प्रवासा खातीरची रक्कम
हे ट्रिपींत तुमी एकटे प्रवास करता जाल्यार तुमकां ५३,५०० रुपया मेजचे पडटले.
दोगां खातीर दरेकी ४०,८०० रुपया दिवचे पडटले.
तीन लोकांक दरेकी मनशा फाटल्यान ३९,१०० रुपया शुल्क भरचें पडटलें.
तुमकां भुरग्यां खातीर वेगळी फी भरची पडटली.
बेड खातीर (५-११ वर्सां पिराय) तुमकां ३२,३०० रुपया दिवचे पडटले. बेडी बगर २९,००० रुपया दिवचे पडटले.
अशी करात बुकींग
तुमी हे टूर पॅकेजी खातीर IRCTC च्या वेबसायटी वयल्यान बुकींग करपाक शकतात. तशेंच IRCTC पर्यटक सुविधा केंद्र, क्षेत्रीय कार्यालयां आनी प्रादेशीक कार्यालयांतल्यानूय बुकींग करूं येता. पॅकेजी कडेन संबंदीत चड म्हायती खातीर तुमी IRCTC चे वेबसायटीक भेट दियात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
