भांगरभूंय | प्रतिनिधी
सर्गावरींच दिसपी हिमाचलांत वचपाचें जर तुमी सपन पळयतात जाल्यार तुमची ही इत्सा बेगीनूच पुराय जावपाक शकता. कारण भारतीय रेल्वे हिमाचलाक भोंवपाची तुमकां संद दिता. कुटुंबा सयत हिमाचलाक वचपाचें आसल्यार हे टूर पॅकेजीचेर घालात एक नदर
भारतीय रेल्वेच्या आयआरसिटीसीन प्रवास मोगीं खातीर बरी संद हाडल्या. जातूंत तुमी हिमाचलांतल्या दोन सुंदर सुवातींक भेट दिवपाक शकतात. डलहौसी आनी मॅक्लॉडगंज अशीं तांची नांवां. ८ दिसांचे हे भोंवडेर तुमका रावपा पसून ते भोंवपाच्यो जायत्यो सुविधायो मेळटल्यो. आयआरसिटीसीन हालींच सोशल मिडियाचेर टूर पॅकेजची म्हायती शेअर केल्या. ८ दिसांचे हे भोंवडेर हिमाचलाच्यो सुंदर सुवातो पळोवपाक मेळटल्यो. जातूंत जेवणा पसून ते रावपा मेरेनच्यो सुविधा उपलब्ध आसतल्यो.
हे पॅकेजी विशीं
पॅकेजीचें नांव: एव्हरग्रीन हिमाचल-कन्फर्म तिकीट
पॅकेज काळ- ७ राती आनी ८ दीस
प्रवास – ट्रेन
कव्हर केल्ल्यो सुवातो – डलहौसी, मॅक्लॉडगंज, अंबाला
ह्यो सुविधा उपलब्ध आसतल्यो
ट्रेनींत 3 AC वर्गाच्यो तिकिटी आसतल्यो. रावपाक डिलक्स हॉटेलाची सुविधा, हे टूर पॅकेजींत च्या आनी रातचें जेवण दितले.
प्रवासा खातीरचें मोल
हे ट्रिपींत जर तुमी एकटेच प्रवास करता जाल्यार तुमकां ५६,८५० रुपया मेजचे पडटले. दोन लोकांक दरेक व्यक्तीक ३३,१५० रुपया दिवचे पडटले. तीन लोकांक दरेकल्याचे २६,३५० रुपया भरचे पडटले. तुमकां भुरग्यां खातीर वेगळी फी भरची पडटली. बेडा खातीर (५- ११ पिराय) तुमकां १२,८५० रुपया दिवचे पडटले. बेड बगर तुमकां ५,६०० रुपया दिवचे पडटले.
बुकींग अशी करची
तुमी हे टूर पॅकेजी खातीर आयआरसिटीसीचे अधिकृत वेबसायटी वेल्यान बूक करपाक शकतात. तशेंच, आयआरसिटीसी पर्यटक सुविधा केंद्र, क्षेत्रीय कार्यालयां आनी प्रादेशिक कार्यालयांतल्यानूय बुकींग करपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
