भांगरभूंय | प्रतिनिधी
भारतीय क्रिकेट नियामक मंडळान (बीसीसीआय) फुडारांत जावपी दक्षीण आफ्रिके आडचे माळे खातीर भारताच्या बायलांच्या पंगडाची घोशणा केली. दक्षीण आफ्रिकाचो बायलांचो क्रिकेट पंगड ह्या म्हयन्यांत भारताचे भोंवडेर येतलो. हे भोंवडेर टॅस्ट, वन डे टी-20 माळो खेळटले.
भारताच्या पंगडाचें फुडारपण हरमनप्रीत कौर करतली, जाल्यार स्मृती मानधना कडेन उप मुखेलपद आसतलें. तशेंच तिनूय क्रिकेट माळां खातीर जेमिमाह रॉड्रिग्स आनी पुजा वस्त्रकर हांचो आस्पाव केला. पूण, तांचो सहभाग तंदुरुस्तीचेर निंबून आसतलो.
जेमिमाह हिका फाटीची दुखापत आसा, ताका लागून तिका बांगलादेशा आडची टी-20 माळ चुकिल्ली. सध्या ती बंगळुरूंत राष्ट्रीय क्रिकेट अकामदींत आसा. तशेंच पुजा कसली दुखापत आसा हें अजून स्पश्ट जावंक ना.
मजगतीं, बांगलादेशा आडचे टी-20 माळे वेळार जखमी जाल्ले यास्तिका भाटीयाचे सुवातेर विकेटकीपर बॅटर उमा छेत्रीक सुवात दिल्या. तिणें अजून आंतरराष्ट्रीय मॅच खेळूंक ना. तशेंच प्रिया पुनिया आनी अरुंधती रेड्डी हांचे पुनरागमन जालां.
दक्षीण आफ्रिका पंगडाची भारत भोंवडी 13 जून सावन सुरू जातली आनी 9 जुलयाक सोंपतली. 13 जूनाक दक्षीण आफ्रिका पंगड सराव मॅच खेळटलो. ते उपरांत 16 ते 23 जून मजगतीं तीन मॅचींची वन डे माळ जातली. जाल्यार 28 जून ते 1 जुलय मेरेन एक टॅस्ट मॅच जातली, जाल्यार 6 ते 9 जुलय मेरेन टी-20 माळ जातली.
वन डे पंगडः हरमनप्रीत कौर (मुखेली), स्मृती मानधना (उप मुखेली), शफाली वर्मा, दिप्ती शर्मा, जेमिमाह रॉड्रिग्स*, ऋचा घोष (विकेटकीपर), उमा छेत्री (विकेटकीपर), दयालन हेमलथा, राधा यादव, आशा शोभना, श्रेयंका पाटील, सायका इशाक, पुजा वस्त्रकर*, रेणुका सिंग ठाकूर, अरुंधती रेड्डी, प्रिया पुनिया.
टॅस्ट पंगडः हरमनप्रीत कौर (मुखेली), स्मृती मानधना (उप मुखेली), शेफाली वर्मा, शुभा सतीश, जेमिमाह रॉड्रिग्स*,ऋचा घोष (विकेटकीपर), उमा छेत्री (विकेटकीपर), दिप्ती शर्मा, स्नेह राणा, सायका इशाक, राजेश्वरी गायकवाड, पुजा वस्त्रकर*, अरुंधती रेड्डी, रेणुका सिंग ठाकूर, मेघना सिंग, प्रिया पुनिया.
टी-20 पंगडः हरमनप्रीत कौर (मुखेली), स्मृती मानधना (उप मुखेली), शेफाली वर्मा, दयालन हेमलता, उमा छेत्री (विकेटकीपर), ऋचा घोष (विकेटकीपर), जेमिमाह रॉड्रिग्स*, सजना सजीवन, दिप्ती शर्मा, श्रेयंका पाटील, राधा यादव, अमनजौत कौर, आशा शोभना, पुजा वस्त्रकर*, रेणुका सिंग ठाकूर, अरुंधती रेड्डी.
राखीव खेळगडीः सायका इशाक.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
