भांगरभूंय | प्रतिनिधी
नवी दिल्ली, खबरां संस्था: केंद्रीय अर्थमंत्री निर्मला सीतारमण हांणी अंदूंचो अर्थसंकल्प सादर केलो आनी प्राप्तिकरांतल्या नव्या तरतुदींची देशभर चर्चा जावपाक लागली. ह्याच प्रभावा खाला जाल्ले दिल्ली विधानसभा वेंचणुकेंत मध्यमवर्ग आपा कडल्यान भाजपाकडे वळिल्ल्याचें निरीक्षणूय राजकी विश्लेशकांनी मांडलें. हाका लागून १२ लाखां मेरेनचें उत्पन्न करमुक्त केल्ल्यान नेमको कोणाक फायदो जालो आनी कोणाक लुकसाण, हाची चर्चा राजकीय चक्रा पसून तें सामान्यांच्या घरांतल्या दिवाणखान्या मेरेन चालू आसा. मात त्याच वेळार दुसरे कडेन बाजारपेठेंत मात हाका लागून गिरायकांचे विकत घेवपाचे पद्दतींत मात कांय बदल दिसपाक लागल्यात.
जितलें अधीक उत्पन्न करमुक्त, तितलें अधीक ‘भरचो पडूंक नाशिल्लो कर’ लोकांच्या हातांत उरतलो हाचो सोपो अर्थ हो, आतां चडश्या लोकांच्या हातांत चडशेच पयशे उरतले, जे एकतर गुंतवपाक शकतात वा खर्च जावपाक शकतात. सध्या शेअर बाजारांतल्या सदच्या पडझडीक लागून गुंतवणुकीचे पद्धतींतले बदल मुखार येवपा खातीर कांय काळ लागतलो. मात विकत घेवपाचो बदलपी पॅटर्न बाजारांतल्या उत्पादक कंपन्यांचे नदरेंतल्यान सुटप शक्य ना. हातूंतच कांय कंपन्यांनी हे विशीं तांचीं कांय निरीक्षणां मांडल्यांत.
कित्याचेर उणो आनी कित्याचेर चड खर्च?
फाटल्या कांय म्हयन्यां सावन नागरी भागांत विकत घेवपाचें प्रमाण देंवपाक लागिल्ल्याचें निरीक्षणांत मांडलां. म्हळ्यार गिरायक बाजारांत एकतर उणे जातात वा गेले तरी गिरायकां प्रत्यक्षांत विकत घेवपी दिसता, हाचेर दुबाव आशिल्लो. फाटल्या कांय दिसांनी होच कल कायम आसलो, तरी खंयच्यो गजाली कश्या स्वरूपांत खरेदी करतात, हातूंत मात बदल जाल्ल्याचें दिसता. सदचे घरगुती वस्तूंचे आकार उणे जावपाक लागल्यात, म्हळ्यार गिरायकां ह्यो वस्तू उण्या आकाराच्यो घेतात. जाल्यार दुसरे कडेन चैनीच्या वा म्हारग वस्तूंचेर ईएमआयचे मजतीन चड खर्च करता अशें निरीक्षण आसा.
अर्थसंकल्पांतल्या तरतुदीं वांगडाच आरबीआयन फाटल्या पांच वर्सांनी पयलेच फावट देंविल्ले व्याजदर लोकांक सवाय भितर रीण मेळोवन दिवपी थारतले, अशें मानतात. हाका लागून ताचोय हे खरेदीच्या पॅटर्नाचेर परिणाम जावपाची शक्यताय आसा. सध्या बाजारांत जावपी म्हारग वस्तूंच्या खरेदी मदल्या सुमार ७५ टक्के वेव्हार इएमआयच्या आधारार जातात. अशें निरीक्षण विजय सेल्सचे संचालक निलेश गुप्ता हांणी नमूद केलें.
ल्हान उत्पादनांच्या बाजारांत कितें घडटा?
पर्सनल केअर, स्नॅक्स, साबण अशा सदच्या घरगुती ल्हान उत्पादनांच्या बाजारपेठेंत वेगळें चित्र आसा. गिरायकां ह्या वस्तूंची ल्हान आकाराची उत्पादनां विकत घेतात. हाका लागून म्हयन्याचें अर्थीक गणीत चोख दवरपा खातीर तांच्या हातांत चड रक्कम उरता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
