भांगरभूंय | प्रतिनिधी
खबरां संस्था: संवसारभर जेवणाचो विशय येता तेन्ना भारतीय खाणां-जेवणाचे नांव घेवप जाताच. कारण भारतीय आहार हो एक परिपूर्ण आहार मानतात. आतां वर्ल्ड वाइड फंड फॉर नेचर (डब्ल्यूडब्ल्यूएफ) हांणी जाहीर केल्ल्या लिव्हिंग प्लॅनेट अहवालांत २०२४ वर्सा संवसारभरांतल्या देशां मदीं भारतीय अन्न वेवस्था ही ह्या गिऱ्या खातीर आनी पर्यावरणाक सगळ्यांत बरी अन्नवेवस्था अशें सांगलां. ह्या अहवालांत भारतीय अन्न वेवस्थेची तोखणाय जाल्या. भारताची जेवणाची पद्दत संवसारभरांतल्या देशां मदीं सगळ्यांत टिकावू आनी पर्यावरणाक बरी असोय उल्लेख केला.
संवसारांतल्या सगळ्या देशांनी भारताची ही पद्दत आपणायल्यार २०५० मेरेन धर्तरेचें लुकसाण उणें जातलें अशेंय अहवालांत म्हणलां. मजगतीं, भारता उपरांत इंडोनेशिया, चीन, जपान आनी सावदी अरेबिया हांकां सगळ्यांत बर्या अन्न प्रणालीं मदीं क्रमांक मेळ्ळ्यात. तर अर्जेन्टिना, ऑस्ट्रेलिया आनी अमेरिकेक सगळ्यांत वायट आहार आशिल्ल्याचें रेटिंग आसा.
संवसारांतल्या सगळ्या देशांनी भारताची अन्न वेवस्था वा अन्न पदार्थ आपणायल्यार २०५० मेरेन आमची धर्तरेची ८४ टक्के साधनां आमची गरज भागोवपाक पुरो जातली. हाचो अर्थ १६ टक्के साधनसुविधांचो वापर जावचो ना. संवसारीक उश्णताय उणी करपाक मदत जातली आनी पर्यावरणाचे समतोल दवरपाकय मदत जातली. तशेंच १.५ सेल्सियसा परस खूब उणी उश्णताय सोडटली. हाका लागून पर्यावरण सुदारतलें अशेंय ह्या अहवालांत सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
