भारतीय खेळगड्यांचो हुस्को वाडलो
भांगरभूंय | प्रतिनिधी
नवी दिल्ली, खबरां संस्था : वनडे वर्ल्डकप २०२३ सर्त भारतांत रंगतली. पयली मॅच ५ ऑक्टोबराक इंग्लंड आड न्यूझीलंड ह्या दोन पंगडां मदीं जातलो. जाल्यार भारतीय पंगडाची पयली मॅच ८ ऑक्टोबराक ऑस्ट्रेलिये आड जातली.
हे सर्ती खातीर बेगीनूच भारतीय पंगडाची घोशणा करतले. पूण तातूंत जागो मेळोवपाक खेळगड्यांक कांय तपासण्यो पुराय करच्यो पडटल्यो.
बीसीसीआयच्या एका अधिकार्यान सांगलें, ‘आयर्लंड भोंवडेचेर आशिल्ल्या खेळगड्यांक सोडून हेरांक फिटनेस चांचणी सक्तीची आसतली. तांची रगत तपासणीय जातली. ’ हातूंत लिपीड प्रोफायल, ब्लड शुगर, युरीक एसीड, कॅल्शियम, व्हिटॅमीन बी १२ आनी डी, क्रिएटिनीन आनी टेस्टोस्टरेन हांचो आस्पाव आसतलो. तशेंच खेळगड्यांक डेक्सा चांचणीय दिवची पडटली.
भारत आनी पाकिस्तान मॅच १४ ऑक्टोबराक
भारत- पाकिस्तानाची मॅच पयलीं १५ ऑक्टोबराक जावपाची आशिल्ली. पूण सुरक्षा कारणांक लागून वेळापत्रकांत बदल केला. आतां बदलिल्ल्या वेळापत्रका प्रमाण ही मॅच १४ ऑक्टोबराक जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
