भारतीय क्रिकेट पंगडाचें वेळापत्रक जाहीर

भांगरभूंय | प्रतिनिधी

भांगरभूंय । खबरां संस्था
नवी दिल्ली : बीसीसीआयन भारतीय पंगडाच्या 2023-24 हंगामाच्या वेळापत्रकाची घोशणा केल्या. ह्या हंगामांत भारतीय पंगड खंयच्या मैदानाचेर कोण आड खेळटलो हाची वळेरी जाहीर केल्या.
भारतीय पंगड ह्या हंगामांत 16 आंतरराष्ट्रीय मॅची खेळटलो. जातूंत 3 वनडे आनी 8 टी- 20 सयत 5 टेस्ट मॅचींचो आसपाव आसतलो. वनडे वर्ल्डकप 2023 सर्ती पयलीं ऑस्ट्रेलिया आड 3 वन डे मॅची खेळपाक भारत मैदानाचेर देंवतलो. हे माळेंतली पयली मॅच 22 सप्टेंबराक रंगतली. जाल्यार दुसरी वनडे मॅच 24 आनी तिसरी 27 सप्टेंबराक जातली. ह्यो मॅची मोहाली, इंदूर आनी राजकोटच्या मैदानांचेर जातले.
वर्ल्डकपा उपरांत भारत आनी ऑस्ट्रेलिया ह्या दोनूय पंगडां मदीं 5 टी -20 मॅचींची माळ रंगतली. पयली मॅच 23 नोव्हेंबराक विशाखापट्टणमच्या मैदानाचेर जातली.
ऑस्ट्रेलिया आड माळ जाले उपरांत भारत आनी अफगाणिस्तानाची माळ जातली. 3 टी -20 तली पयली मॅच 11 जानेवारी 2024 दिसा जातली. ही माळ जाले उपरांत भारत आनी इंग्लंड हे दोनूय पंगड एकामेकां मुखार येतले. 5 टी -20 मॅची जातल्यो. पयली टेस्ट 25 जानेवारीक हैदराबाक खेळयतले.