भांगरभूंय | प्रतिनिधी
नवी दिल्ली, खबरां संस्था ः भारतीयांचे भांगर आनी पारंपारीक बँक सेव्हिंगा कडेन आकर्शण चड आसा. कारण सुमार 77 टक्के लोकांनी बँक सेव्हिंगा वरवीं आपली जोड सुरक्षीत दवरपाक पसंत केला आनी 21 टक्के लोकांनी 2023 वर्सा भांगरांत गुंतवणूक करपाक पसंत केली.
मनीस वर्सुकी वैयक्तीक वित्त सर्वेक्षणांत विमाच्या प्रवेशांत सकारात्मक प्रवृत्ती दाखयला. 2023 वर्सा 27 टक्क्यां परस चड कुटुंबांनी जीवन विमा केली जी 2022 वर्साच्या सर्वेक्षणांतल्या 19 टक्के परस चड आसा.
भारतांत वाडत वचपी शेअर बाजारांक ल्हवू ल्हवू गुंतवणूकदार पसंती दिवपाक लागल्या. फाटल्या वर्सा परस शेअर बाजारांत गुंतवणूकदारांची टक्केवारी 3 टक्क्यां वयल्यान 9 टक्क्यां मेरेन वाडल्या. ते भायर आतां 10 टक्के भारतीय कुटुंबांनी म्युच्युअल फंड गुंतवणूक आपणायल्या, जी 2022 वर्सा 6 टक्के आशिल्ली.
बेंगळुरू (69 टक्के) आनी तिरुवनंतपुरम (66 टक्के) सारक्या दक्षिण भारतीय शारांनी भांगराची बचत करपाक फुडाकार घेतला. तशेंच लक्झरी जिणे पद्दत परवडपी भारतीय कुटुंबाची टक्केवारी 2022 वर्सातल्या 3 टक्क्यां वयल्यान 2023 वर्सा 5 मेरेन वाडल्या.
रिसर्च ट्रायंगल इन्स्टिट्यूट (आरटीआय) इंटरनॅशनल कंपनीच्या सहकार्यान हें सर्वेक्षण केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
