भांगरभूंय | प्रतिनिधी
भांगरभूंय । खबरां मेज
पणजीः भारतीयता ह्या विशयाचेर सभ्य तरेची चर्चा जायना. आमच्या देशांत सध्याच्या कठीण तेपार भारतीयचा हो सामको म्हत्वाचो विशय आसा आनी ताचेर सभ्य पद्दतीन चर्चा जावपाची गरज आसा अशें माध्यम तज्ज्ञ अनिल गुप्ता हांणे सांगलें. केरळचे राज्यपाल आरिफ मोहम्मद हांच्या दोनपावला हांगा जावपी व्याख्यानाची म्हायती दिवपा खातीर आयोजीत केल्ले पत्रकार परिशदेंत ते उलयताले. तांच्या वांगडा इंटरनॅशनल सेंटराचो अध्यक्ष समीर काकोडकार आशिल्लो.
भारतीयता ह्या विशयाचेर बिरेस्तार 6 एप्रिलाक सांजे 5.30 वरांचेर दोनापावला हांगच्या गोंय इंटरनॅशनल सेंटरांत आरिफ मोहम्मद उलयतले. ही कार्यावळ सगळ्यां खातीर उक्ती आसा. इंटरनॅशनल सेंटर आनी बिका उत्सव हांच्या जोड पालवान हें व्याख्यान आयोजीत केलां. भारतियांक “सब्य-संवाद” (सुसंस्कृत संवाद) हे पद्दतीन भारतीयना हे संकल्पनेचो अर्थ कसो आसा हे आरिफ मोहम्मद सांगतले अशें गुप्ता हाणे सांगलें.
शाह बानो प्रकरणात राजीव गांधी सरकारा कडेन मतभेद जाल्ल्यान आरिफ मोहम्मद हांणी आपल्या मंत्रिपदाचो राजिनामो दिल्लो. ताणी 2010 वर्सा “टेक्स्ट अँड कॉन्टेक्स्ट: कुराण अॅम्ड कोन्टेमपरी चॅलेंजीस” हे पुस्तक बरयल्लें आनी ताणे खपाचो विक्रम केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
