भांगरभूंय | प्रतिनिधी
नवी दिल्ली, खबरां संस्था ः अंदूं देशांत अपेक्षा परस चड उश्णताय आसतली. भारतीय हवामान विभागाच्या (IMD) मतान, देशांतल्या उत्तर-पश्चिम राज्यांनी हरियाणा, पंजाब, राजस्थान, हिमाचल प्रदेश, जम्मू आनी काश्मीर, उत्तराखंड, दिल्ली अंदूं उश्णताय ल्हारांच्या दिसांचो आंकडो दुपेटीन वाडपाची शक्यताय आसा.
2024 वर्स भारता खातीर सगळ्यांत उश्ण वर्सांतलें एक आशिल्लें. फाटल्या वर्सा देशांत 554 दीस उश्णतायेचो ल्हार आशिल्लो. सादारणपणान एप्रिल ते जून ह्या काळांत लेगीत 5-6 दीस उश्णताय ल्हारां उरतात, पूण अंदूं 10 ते 12 उश्णताय ल्हारां आसूं शकता.
पूण ह्या वर्सा उश्णताय ल्हारांचो परिणाम कितलो काळ उरतलो हाची म्हायती हवामान खात्यान आजून दिवंक ना. उश्णताय ल्हारांच्या दिसांचो आंकडो दुपेटीन वाडलो जाल्यार 2025 वर्स आतां मेरेनचे सगळ्यांत उश्ण वर्स जातलें अशें हवामानशास्त्रज्ञ सांगतात. ह्या दिसांनी तापमान सामान्या परस 5 अंश वा चड उरूंक शकता.
वायव्य आनी मध्य भारतांत उश्णताय ल्हार दिसांचो आंकडो दुपेटीन वाडपाची शक्यताय आसा. पूण हो हंगामी अदमास, ताचो अर्थ पुराय हंगामांत दर दीस सामान्या परस उश्ण आसतलो असो न्हय अशें भारतीय हवामान विभागाची शास्त्रज्ञ सौम्या सेन रॉय हिणें म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
