भांगरभूंय | प्रतिनिधी
नवी दिल्ली, खबरां संस्था: नोव्हेंबर म्हयन्यांत भारता कडल्यान ऑस्ट्रेलियाक जापी निर्यातींत ६४.४ टक्के वाड जाल्ल्याची म्हायती केंद्रीय वाणिज्य मंत्रालयाच्या डेटा ना वेल्यान मेळ्ळ्या. ऑस्ट्रेलिया हो भारताचो वेपारी भागीदार देश. कपड्यांचो उद्देग, रसायनां आनी कृषी उत्पादनां अशा वाठारांनी ऑस्ट्रेलियान भारता कडल्यान ६४३.७ दशलक्ष डॉलरची आयात केली अशें वाणिज्य मंत्रालयाच्या नोंदींत कळून येता.
मात, भारताची ऑस्ट्रेलियाक जावपी एप्रील ते नोव्हेंबर ह्या काळांत जावपी निर्यात ५.५६ अब्ज डॉलर इतली जाली, ती ५.२१ टक्क्यांनी उणी आशिल्ली, अशें मुळाव्या आंकड्यांतल्यान दिसता.
दोनूय देशांनी दोन वर्सां आदीं २९ डिसेंबर, २०२२ दिसा अर्थीक सहकार्य आनी वेपार करार (ईसीटीए) केलो. आतां ह्या कराराची व्याप्ती वाडोवन तो सर्वंकष अर्थीक सहकार्य करार (सीईसीए) करपा खातीर दोनूय देशां मजगतीं वाटाघाटी सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
