भांगरभूंय | प्रतिनिधी
वॉशिंग्टन: भारत आनी अमेरिकेन शुक्रारा अंतरीम वेपार कराराची (आयटीए) रुपरेखा जाहीर केल्या. हाचे खाला भारतीय वस्तूंचेर अमेरिकेचो दर ५०% ते १८% उणो केला. रशियेंतल्यान तेल विकतें घेवपा खातीर भारताचेर घाल्लो २५ टक्के अतिरिक्त करूय काडून उडयला.
ही रुपरेखा बेगीन चालीक लावपाक मेळटली आनी ही उलोवणी व्यापक द्विपक्षीय वेपार करार (बीटीए) कडेन चलतली अशें दोनूय देशांनी सांगलें. भारत-अमेरिका संयुक्त निवेदना प्रमाण ही रुपरेखा १३ फेब्रुवारी २०२५ सावन सुरू जाल्ली.
बाजारांत प्रवेश, पुरवण साखळी घटमूट करप, वेपारी आडमेळीं उणी करप अशो तरतुदी ह्या करारांत फुडें आसपावीत करतले. हाचे खाला भारत अमेरिकन उद्देगीक वस्तूंचेर सगले शुल्क काडून उडयतलो वा उणो करतलो. ह्या कराराक लागून भारतीय निर्यातदारांक ३० ट्रिलियन डॉलराची बाजारपेठ उक्ती जातली अशें वाणिज्य मंत्री पीयूष गोयल हांणी सांगलें.
ताच्या मतान एमएसएमई, शेतकार आनी नुस्तेकारांक चड फायदो जातलो आनी ताका लागून बायलांक आनी तरणाट्यांक लाखांनी नव्योे नोकर्यो मेळटल्यो असो अदमास आसा. ते भायर भारतान फुडल्या पांच वर्सांत अमेरिकेंतल्यान ५०० अब्ज डॉलर मोलाचीं उत्पादनां विकतीं घेवपाचें मान्य केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
