भांगरभूंय | प्रतिनिधी
नवी दिल्ली, खबरां संस्था ः संवसारांतलो सगळ्यांत चड लोकसंख्या आशिल्लो देश भारताक अजूनय उदकाची समस्या आसा. 2050 मेरेन भारतांतल्या 50 टक्के जिल्ह्यांनी उदकाचें खर संकश्ट येवपाची शक्यताय आसा असो दावो देशांतल्या शेतकी क्षेत्रांत उदका वेवस्थापनाक चालना दिवपी अहवालांत केला.
डीसीएम श्रीराम आनी सत्व नॉलेज हांच्या अहवाला प्रमाण देशांत दर मनशाक उदकाची मागणी 2050 मेरेन 30 टक्क्यांनी वाडूंक शकता, पूण मदीं देशांतली वाडत वचपी लोकसंख्या आनी उदकाच्या मुळाव्या साधनसुविधांचो उणाव 15 टक्क्यांनी उणो जावंक शकता. उदकाची वाडट्या प्रमाणांत मागणी आनी पुरवण उणावाक लागून 2050 मेरेन 50 टक्के जिल्ह्यांक उदकाचें खर संकश्ट येवंक शकता.
देशांतल्या उदकाच्या संकश्टा फाटलें मुखेल कारण शेतकी क्षेत्र. शेतवडीचो देश आशिल्ल्यान वट्ट 80 ते 90 टक्के उदक शेतवडी खातीर वापरतात. उपरांत घरगुती आनी उद्देगीक कामां खातीर उदकाचो उपेग जाता. 2025 ते 2050 मेरेन अशेंच चालू उरपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
