भांगरभूंय | प्रतिनिधी
आशियायी खेळाच्या अखेरच्या दिसा भारताच्या बुद्दीबळ पंगडांनी दोन रुप्यां पदकां जिखलीं.
दादल्यांच्या गटांत निमाण्या दिसा पयले सुवातेर आशिल्ल्या इराण पंगडान कांय चूक करिनासतना निमाणे मॅचींत कोरियाक 4-0 असो हारोवन 16 गुणां सयत भांगरा पदक जिखलें. भारत दुसरे सुवातेर कायम आशिल्लो. काल डी गुकेशा बगर भारत फिलिपिन्सा आड खेळ्ळो. आर प्रज्ञानंदाचो डाव बादाबाद उरलो, जाल्यार विदित गुजराती, अर्जुन एरिगासी आनी पेंटला हरीकृष्णा हाणें जैतां जोडून 3.5-0.5 फरकान मॅच जिखली आनी 15 गुणां सयत रुप्या पदक मेळयलें. उझ्बेकिस्तानान 14 गुणां सयत कांश्या पदक जोडलें.
बायलांच्या गटांत भारतान कोनेरू हम्पीक विसव दिलो आनी डी हरिका, वैशाली रमेशबाबू, वंतिका अग्रवाल आनी सविता श्री हिणें आपलोआपलो डाव जिखून कोरिया आड 4-0 अशें जैत जोडलें. अशे तरेन 15 गुणां सयत रुप्या पदक जोडलें. चीनान 17 गुणां सयत भांगरा पदक आनी कजाकिस्तानान 13 गुणां सयत कांश्या पदक मेळयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
