भांगरभूंय | प्रतिनिधी
नवी दिल्ली : गंगा, ब्रह्मपुत्रा आनी सिंधू न्हंयांच्या संस्थांनी स हाजारां परस चड डॉल्फीन आशिल्ल्याचें सरकारा वतीन सोमारा प्रसिद्ध केल्ल्या एका अहवालांत नमूद केलां. डॉल्फीन प्रकल्पा खाला भारतांत पयलेच फावट न्हंयांतल्या डॉल्फिनांची गणना केली. हें सर्वेक्षण संवसारांतल्या सगळ्यांत व्हड सर्वेक्षणां मदलें एक जावन आसा. डॉल्फीन आनी हेर उदकांतल्या प्रजातींचो सांबाळ करपा खातीर प्रधानमंत्री नरेंद्र मोदी हांणी १५ ऑगस्ट २०२० दिसा ह्या प्रकल्पाची घोशणा केल्ली.
भारतांत मुखेलपणान गंगा न्हंयेंतले डॉल्फीन आनी सिंधू न्हंयांनी डॉल्फीन मेळटात. हे दोनूय डॉल्फिनचे विवीध प्रकार. तांतल्या गंगा न्हंयेंतल्या डॉल्फिनांचो आंकडो चड आसा. आपल्या अद्वितीय विशिश्टाक लागून वळखपी हे डॉल्फीन गंगा-ब्रह्मपुत्रा-मेघना ह्या न्हंयांच्यो संस्था आनी तांच्या भारत, बांगलादेश, नेपाळ आनी भूतानच्या उपन्हंयांनी मेळटात. भारतांत सिंधू न्हंय लहानशा प्रदेशांतल्यान व्हांवता. सिंधू डॉल्फिनचो आंकडोय उणो आसा.
सर्वेक्षणांत गंगा, ब्रह्मपुत्रा आनी सिंधू ह्या न्हंयांच्या पुराय प्रवाहाचो अभ्यास केलो. गंगा न्हंयेच्या डॉल्फिनचो आंकडो ६,३२४ इतलो आशिल्ल्याचें समजता. जाल्यार बियास न्हंयेंत सिंधू प्रकारचे तीन डॉल्फीन मेळ्ळे.
सर्वेक्षणाची व्याप्ती
डॉल्फीन प्रकल्पा खाला उत्तर प्रदेश, बिहार, झारखंड, राजस्थान, मध्य प्रदेश, पश्चिम बंगाल, आसाम आनी पंजाब ह्या आ राज्यांतल्यान व्हांवपी ह्या न्हंयांतल्या डॉल्फिनांचो आंकडो मेजलो. हे सर्वेक्षण २०२१ ते २०२३ ह्या काळांत केलें. हातूंत आठ हजार किलोमीटरां परस चड उदकाच्या प्रदेशाची पळोवणी केली. पळोवणेंत ५८ न्हंयांचें मुल्यांकन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
