भांगरभूंय | प्रतिनिधी
नवी दिल्ली, खबरां संस्था: फाटल्या कांय म्हयन्यां सावन अमेरिके आनी भारता मदले वेपारी संबंद अडचणींत आसात. हाचें कारण अमेरिकेचे अध्यक्ष डोनाल्ड ट्रम्प हांणी भारताचेर ५० टक्के आयात शुल्क वाडयलां. इतलेंच न्हय तर ट्रम्प रशियेंतल्यान तेल आयात करचें न्हय म्हूण भारताचेर सतत टिका करतात. ह्यो सगल्यो घडामोडी चालू आसतना भारत आनी अमेरिके मदलो वेपार करारूय थारला. ह्या वेपार कबलातीचेर चर्चा सुरू आसा अशें म्हण्टात. पूण ह्या वेपार कबलातीचेर दोनूय देशांनी अजून एकमत जाला अशें दिसना.
मजगतीं एक म्हत्वाची खबर उजवाडाक आयल्या. भारतान व्हडलो निर्णय घेवन अमेरिके कडेन इतिहासीक कबलात केल्या. भारत आनी अमेरिके मदीं १० वर्सांचो संरक्षण करार जाला.
पीट हेगसेथान हांणी कितें सांगलें?
अमेरिकेचो संरक्षण सचीव पीट हेगसेथ हांणी हे संबंदी ट्विटराचेर पोस्ट केलां. तातूंत तांणी म्हणलां, भागीदारी वाडोवपाचे नदरेन एक व्हड पावल उखलीत शुकगारा अमेरिकेन भारता वाञगडा १० वर्सांच्या संरक्षण आराखड्याचेर सय केली. दोनूय देशांचे संरक्षण संबंध ह्यान पयलीं केन्नात इतले घटमूट नाशिल्ले, अशें तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
