भांगरभूंय | प्रतिनिधी
नवी दिल्ली, खबरां संस्था: स्टॉकहोम इंटरनॅशनल पीस रिसर्च इन्स्टिट्यूटान (SIPRI) म्हणलें, संवसारांतलो पांचव्या नंबरावेलो सगल्यांत व्हडलो देश आशिल्ल्या भारताचो लश्करी खर्च २०२४ वर्सा १.६% न वाडून ८६.१ अब्ज डॉलर्स (रु. ७.१९ लाख कोटी) जावपाची अपेक्षा आसा.
तेन्नाच, पहलगाम हल्ल्या उपरांत अणु क्षेपणास्त्रां उडोवपाची धमकी दिवपी पाकिस्तानाचो लश्करी खर्च १०.२ अब्ज डॉलर्स म्हळ्यार सुमार ८५,१७० कोटी रुपया आशिल्लो.
अहवाला प्रमाण, संवसारांत सगल्यांत चड लश्करी खर्च करपी पांच देश म्हळ्यार, अमेरिका, चीन, रशिया, जर्मनी आनी भारत.ह्या पांचूय देशांचो वट्ट लश्करी खर्च १६३५ अब्ज डॉलर्स म्हळ्यारूच रु. १३६.५२ लाख कोटी आसा.
चीनचो लश्करी खर्च ७.०% वाडून सुमार ३१४ अब्ज जालो, जो सेगीत तीन दशकांची वाड आसा.
२०२४ वर्सा रशियाचो लश्करी खर्च सुमार १४९ अब्ज डॉलर्स मेरेन पावपाचो अदमास आसा. हो खर्च रशियाच्या जीडीपीच्या ७.१% आनी रशियन सरकारी खर्चाच्या १९% आसा.
युक्रेनाचो वट्ट लश्करी खर्च २.९% नी वाडून ६४.७ अब्ज जालो, जो रशियाच्या खर्चाच्या ४३% आसा. २०२४ वसार युक्रेनाचेर जीडीपीच्या ३४% वाट्या सयत सगल्यांत चड लश्करी भार आशिल्लो. भारतान आयज ६३ हजार कोटी रुपयांच्या राफेल मरीन कराराला निमाणें स्वरूप दिलें.
२८ एप्रिलाक दिल्लींत भारत आनी फ्रान्सांत २६ राफेल दर्यांतल्या विमानांचो करार झाजालो. भारताचे वतीन संरक्षण सचिव राजेश कुमार सिंह हांणी ह्या कराराचेर सय केली. ह्या करारा प्रमाण, भारत फ्रान्सा कडल्यान २२ सिंगल सीटर विमानां आनी ४ डबल सीटर विमानां विकतीं घेतले. विमानांची डिलिव्हरी २०२८-२९ वर्सा सुरू जातली आनी सगलीं विमानां २०३१-३२ मेरेन भारतांत पावतलीं.
भारत २०२४ वर्सा सेगीत तिसर्या वर्सा शस्त्रास्त्र विकत घेवपाचें दर उणें करतलें
२०२४ च्या अर्थसंकल्पांत, भारतीय सैन्याला खर्चा खातीर ६,२१,९४० कोटी रुपया मेळ्ळे, जे फक्त ४०० कोटी रुपया आसात. म्हणजेच अंतरिम अर्थसंकल्पा परस ०.०६४% जास्त आसा. हातूंत शस्त्रां विकत घेवप आनी पगार-पेन्शनाचें बजेट तेंच उरता. सेगीत तिसर्या वर्सा भांडवली बजेट, म्हळ्यार शस्त्रास्त्रां विकत घेवप आनी सैन्याच्या आधुनिकीकरणाच्या खर्चांत कपात केली.
ह्या वेळार वट्ट अर्थसंकल्पांत संरक्षण क्षेत्राक १२.९% वाटो मेळ्ळो. फाटल्या वर्सा हो वाटो सुमार १३% आशिल्लो. संरक्षण बजेटी मदलो ६७.७% महसूल आनी पेन्शन बजेटींत वता. जातूंततलो सडसो भाग पगार आनी पेन्शन वाटपाचेर खर्च करतात.
२०२४ वर्सा जायत्या युुरोपीयन देशांचो लश्करी खर्च वाडलो
SIPRI अहवाला प्रमाण, मदीं आनी पश्चीम युरोपांतल्या जायत्या देशांनी २०२४ वर्सा तांच्या लश्करी खर्चांत मात्शी वाड केल्या. हाचे फाटलें कारण म्हळ्यार नव्या खर्चाची अंमलबजावणी आनी व्हड प्रमाणांत शस्त्रास्त्र वित घेवपाची येवजण.
अहवाला प्रमाण, जर्मनीचो लष्करी खर्च २८% वाडून ८८.५ अब्ज डॉलर्सचेर पावला. जाका लागून ते मध्य आनी पश्चीम युरोपांत सगल्यांत चड खर्च करपी आनी संवसारांतलो चोवथो सगल्यांत व्हडलो देश जाला.
तेन्नाच, पोलंडचो लश्करी खर्च २०२४ वर्सा ३१% वाडून ३८.० अब्ज जातलो, जो पोलंडच्या जीडीपीच्या ४.२% आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
