भांगरभूंय | प्रतिनिधी
ऑस्ट्रेलिया पंगडाचे वने माळे खातीर काल भारताच्या पंगडाची घोशणा केली. सुरवातीच्या दोन मॅचीं खातीर लोकेश राहुल पंगडाचें फुडारपण करतलो. जाल्यार संवसारीक सर्ती खातीर वेंचिल्ल्या पंगडाचे वांगडी रोहित शर्मा, विराट कोहली, हार्दिक पांड्या, कुलदीप यादव आनी अक्षर पटेल हांकां विसव दिला.
दुखापतीक लागून अक्षर पटेल सुरवातीच्यो दोन मॅची खेळचो ना. ताचे सुवातेर आर आश्विन आनी वॉशिंग्टन सुंदर हांकां दोगांकूय पंगडांत सुवात दिल्या. तिसरे मॅची वरवीं सगले सिनीयर खेळगडे पुनरागमन करतले.
भारत आनी ऑस्ट्रेलिया ह्या पंगडां मदीं तीन वन डे मॅचींची माळ जातली. पयली मॅच 22 सप्टेंबराक मोहालीच्या पीसीए स्टेडियमाचेर जातली.
सुरवातीच्या दोन मॅचीं खातीर ऋतुराज गायकवाड, तिलक वर्मा, प्रसिद्ध कृष्णा, आर आश्विन आनी वॉशिंग्टन सुंदर हांकां पंगडांत सुवात दिल्या. हे पांचूय खेळगडे संवसारीक सर्ती खातीर वेंचिल्ल्या पंगडांत नात.
तिसरे वन डेंत रोहित, कोहली, कुलदीप, हार्दिक आनी अक्षर पुनरागमन करतले.
सुरवातीच्या दोन मॅचीं खातीर पंगडः लोकेश राहुल (मुखेली), शुभमन गिल, ऋतुराज गायकवाड, श्रेयस अय्यर, ईशान किशन (विकेटकीपर), सुर्यकुमार यादव, रवींद्र जडेजा (उप मुखेली), शार्दूल ठाकूर, जसप्रीत बुमरा, मोहम्मद सिराज, मोहम्मद शमी, तिलक वर्मा, प्रसिद्ध कृष्णा, रविचंद्रन अश्विन आनी वॉशिंग्टन सुंदर.
तिसरे मॅची खातीर पंगडः रोहित शर्मा (मुखेली), शुभमन गिल, विराट कोहली, श्रेयस अय्यर, केएल राहुल (विकेटकीपर), ईशान किशन, सुर्यकुमार यादव, हार्दिक पंड्या (उप मुखेली), रवींद्र जडेजा, शार्दूल ठाकूर, कुलदीप यादव, मोहम्मद सिराज, जसप्रीत बुमरा, मोहम्मद शमी, अक्षर पटेल, रविचंद्रन अश्विन आनी वॉशिंग्टन सुंदर.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
