भांगरभूंय | प्रतिनिधी
संवसारीक टी-20 सर्ती खातीर भारताच्या 15 वांगड्यांच्या पंगडाची घोशणा केली. दुखापतीक लागून पंगडांतल्यान भायर आशिल्ल्या हर्षल पटेल आनी जसप्रीत बुमरा हांचें पुनरागमन जालां.
संवसारीक टी-20 सर्तीक 16 ऑक्टोबरांत ऑस्ट्रेलियेंत सुरू जातली. जाल्यार भारताची पयली मॅच 23 ऑक्टोबराक पाकिस्ताना आड जातली.
संवसारीक टी-20 सर्ती पयलीं भारताक ऑस्ट्रेलिया आनी दक्षीण आफ्रिका ह्या पंगडां आड माळ खेळपाची आसा. ह्या माळां खातीर लेगीत पंगडाची घोशणा केली.
अश्टतासांचो खेळगडो रवींद्र जडेजाक दुखापतीक लागून संवसारीक टी-20 सर्त चुकतली. ताचे सुवातेर अक्षर पटेलाक संद दिल्या. जडेजाच्या धोंपराचें ऑपरेशन जालां. दुखापतीक लागून ताका आशिया करंड सर्ती वेळार ताका ही दुखापत जाल्ली.
भारतान आपली पयली आनी निमाणी संवसारीक टी-20 सर्त 2007त जिखिल्ली. ती पयली संवसारीक टी-20 सर्त आशिल्ली. त्या वेळार भारताचें फुडारपण महेंद्रसिंग धोनीन केल्लें.
भारतांत जावपी ऑस्ट्रेलिया आनी दक्षीण आफ्रिका आडच्या माळां वेळार हार्दिक पांड्या, अर्शदीप सिंग आनी भुवनेश्वर कुमार हे फिटनेस ट्रेनींग खातीर राष्ट्रीय क्रिकेट अकादमींत दाखल जातले.
संवसारीक टी-20 खातीर पंगडः रोहित शर्मा (मुखेली), लोकेश राहुल (उप मुखेली), विराट कोहली, सुर्यकुमार यादव, दिनेश कार्तिक (विकेटकीपर), ऋषभ पंत (विकेटकीपर), दीपक हुड्डा, अक्षर पटेल, आर आश्विन, हार्दिक पांड्या, जसप्रती बुमरा, भुवनेश्वर कुमार, हर्षल पटेल, अर्शदीप सिंग, युजवेंद्र चहल, (स्टॅण्डबाय) मोहम्मद शमी, श्रेयस अय्यर, रवी बिश्नोई आनी दीपक चाहर.
ऑस्ट्रेलिये आड खेळपी टी-20 पंगडः रोहित शर्मा (मुखेली), लोकेश राहुल (उप मुखेली), विराट कोहली, सुर्यकुमार यादव, दीपक हुड्डा, ऋषभ पंत, दिनेश कार्तिक, हार्दिक पांड्या, आर आश्विन, युजवेंद्र चहल, अक्षर पटेल, भुवनेश्वर कुमार, मोहम्मद शमी, हर्षल पटेल, दीपक चाहर आनी जसप्रीत बुमरा.
दक्षीण आफ्रिके आड खेळपी टी-20 पंगडः रोहित शर्मा (मुखेली), लोकेश राहुल (उप मुखेली), विराट कोहली, सुर्यकुमार यादव, दीपक हुड्डा, ऋषभ पंत, दिनेश कार्तिक, आर आश्विन, युजवेंद्र चहल, अक्षर पटेल, अर्शदीप सिंग, हर्षल पटेल, दीपक चाहर आनी जसप्रीत बुमरा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
