भांगरभूंय | प्रतिनिधी
नवी दिल्ली, खबरां संस्था: सोमारा भारताचे ५३ वे सरन्यायाधीश म्हणून न्यायमुर्ती सूर्यकांत हांणी सोपूत घेतलो. राष्ट्रपती भवनांत जाल्ल्या सुवाळ्यांत राष्ट्रपती द्रौपदी मुर्मू हांणी तांकां पदाचो सोपूत दिलो. उपरांत ते तांच्या पांयांक हात लावन पांयां पडले, हातूंत तांचें कुटूंब हाजीर आशिल्लें.
सोपूत विधी उपरांत, सरन्यायाधीश सूर्यकांत हांणी प्रधानमंत्री मोदी आनी हेरांची भेट घेतली. ते आदले सरन्यायाधीश बीआर गवई हांकांय मेळ्ळे. ब्राझील सयत सात देशांचे मुखेल न्यायाधीश आनी सर्वोच्च न्यायालयाचे न्यायाधीशूय राष्ट्रपती भवनांत हाजीर आशिल्ले.
भारतीय न्यायवेवस्थेच्या इतिहासांत पयलेच फावट, इतल्या व्हड आंतरराष्ट्रीय न्यायीक शिश्टमंडळान सरन्यायाधीशांच्या सोपूत विधीक हाजेरी लायिल्ली. भुूतान, केनिया, मलेशिया, मॉरिशस, नेपाळ आनी श्रीलंकेचे मुखेल न्यायाधीश तांच्या कुटुंबियां सयत ह्या सुवाळ्याक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
