भांगरभूंय | प्रतिनिधी
सप्टेंबरांत वेपारी तूट 19.37 अब्ज डॉलर
नवी दिल्ली, खबरां संस्था ः भारताची निर्यात आनी आयात हांतूत सरकारी आंकडेवारी प्रमाण, सप्टेंबरांत देशाची निर्यात 2.6 टक्क्यांनी देंवून 34.47 अब्ज डॉलर जाली, जी फाटल्या वर्सा ह्याच काळांत 35.39 अब्ज डॉलर आशिल्ली.
तशेंच सप्टेंबरांत आयातय उणी जाल्या. ह्या आंकड्यां प्रमाण, सप्टेंबरांत आयात 15 टक्क्यांनी देंवून 53.84 अब्ज डॉलर जाल्या, जी फाटल्या वर्सा ह्याच काळांत 63.37 अब्ज डॉलर आशिल्ली. सप्टेंबरांत वेपारी तूट 19.37 अब्ज डॉलर आशिल्ली.
चालू 2023-24 अर्थीक वर्सा आतां मेरेन म्हळ्यार एप्रिल ते सप्टेंबर मेरेन निर्यात 8.77 टक्क्यांनी देंवून 211.4 अब्ज डॉलर जाल्या. ह्याच काळांत आयात 12.23 टक्क्यांनी देंवून 326.98 अब्ज डॉलर जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
