भांगरभूंय | प्रतिनिधी
नवी दिल्ली, खबरां संस्था ः अंदूं जानेवारींत संयुक्त राश्ट्रांनी 2024-25 वर्सा भारताची अर्थीक वाड 6.2 टक्के आसतली असो अदमास काडिल्लो. संयुक्त राश्ट्र म्हळ्यार UN भारताचे अर्थीक वाडीचो सुदारीत अदमास जाहीर केला. आदीं जाहीर केल्ल्या टक्केवारींत वाड करुन आतां ही टक्केवारी 6.9 टक्के इतली केला.
संयुक्त राश्ट्रांच्या वर्ल्ड इकोनॉमिक सिच्युएशन अँड प्रॉस्पेक्ट्स (WESP) अहवालांत हे संबंदी अदमास काडल्यात. हो अहवाल जानेवारी 2024 वर्सा जाहीर जाल्लो. उपरांत 16 मे दिसा जाहीर केल्ल्या सुदारीत अहवालांत नवे अदमास उक्तायला.
संयुक्त राश्ट्रांच्या अहवालांत कितें म्हणलां?
भारताचे अर्थीक उदरगती संबंदीत प्रस्नांचो ह्या अहवालांत उल्लेख केला. तांतूत 2024 वर्सा भारताची अर्थवेवस्था 6.9 टक्क्यांनी वाडटली, जाल्यार 2025 वर्सा अर्थवेवस्थेंत 6.6 टक्क्यांनी वाड जातली अशें म्हणलां. भौशीक मळार व्हड प्रमाणांत गुंतवणूक जाल्ली हें हाचें मुखेल कारण अशें अहवालांत म्हणलां. तशेंच परकी मागणींत दिसपी उणाव ह्या अर्थीक वर्साय चालू उरतलो तरी वखदां आनी रसायनां खातीर परकी लोकांची मागणी व्हड प्रमाणांत वाडपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
