भांगरभूंय | प्रतिनिधी
नवी दिल्ली: भारतांत पेट्रोल-डिझेलच्यो किमती वाडपाचें आयिल्लें संकश्ट सध्या पयस जालां. कारण भारताक रशिये कडल्यान कच्चें तेल विकतें घेवपाची मेकळीक मेळ्ळ्या. अमेरिकेच्या ट्रेझरी विभागान भारतीय रिफायनरीजांक ३० दिसांचो विशेश परवानो दिला. हो परवानो ३ एप्रिल मेरेन वैद्य आसा.
अमेरिकेचे ट्रेझरी सचीव स्कॉट बेसेंट हांणी ६ मार्चाक सांगलें, राष्ट्राध्यक्ष ट्रम्प हांच्या ऊर्जा अजेंड्या खाला हें तात्पुरतें पावल उखल्लां. तांणी म्हणलें, भारत अमेरिकेचो एक म्हत्वाचो भागिदार आनी संवसारीक बाजारांत तेलाची पुरवठ स्थिर दवरपाक ही मेकळीक दिल्या.
बेसेंटान सोशल मिडिया प्लॅटफॉर्म एक्सचेर बरयलें, इराण संवसारीक ऊर्जा बाजाराक बंधनांत दवरपाचो यत्न करता. हें चेंपण उणें करपा खातीर आमी भारताक ही ३० दिसांची मेकळीक दिल्या. आमकां आस्त आसा, हाचे उपरांत भारत अमेरिकन तेलाचे खरेदींत वाड करतले. अमेरिकेचें मत आसा, हो ’स्टॉप-गॅप’ उपाय संवसारीक बाजारांत तेलाचो उणाव जावपाचो दिवचो ना.
५ मार्च मेरेन लोड जाल्ल्या बोटींचें तेल विसते घेवपाक शकता
अमेरिकेच्या ट्रेझरी विभागाच्या ’ऑफिस ऑफ फॉरेन असेट्स कंट्रोल’न हो विशेश परवानो जारी केला. हाचे खाला ५ मार्च मेरेन बोटींचेर लोड जाल्ल्या रशियन कच्च्या तेलाचीच डिलिव्हरी भारताक करपाक मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
