भांगरभूंय | प्रतिनिधी
भारताच्या दिश्टीहीन क्रिकेट पंगडान संवसारीक टी-20 सर्त सेगीत तिसरे खेपे जिखून वस्तादपणाची हॅट्रीक केली. फायनलींत ताणें बांगलादेशाक हारयलो.
भारतान पयलीं बॅटींग करतना 2 विकेटी वगडावन 277 धांवड्यो केल्यो. रमेशान नाबाद 163 धांवड्यो केल्यो. जाल्यार अजयान नाबाद 100 धांवड्यांची खेळी केली.
प्रत्तुत्तर दितना बांगलादेशाक 3 विकेटी वगडावन फक्त 157 धांवड्यो करप शक्य जाल्यो. अशे तरेन भारतान 120 धांवड्यांनी व्हड जैत जोडलें. सर्त सुरू जावचे पयलीं वाद आसलो तरी, व्हिसा मेळूंक नाशिल्ल्यान पाकिस्तान सर्तींत वांटेकार जावपाक भारतांत पावलो ना.
हाचे पयलीं म्हणल्यार 2017त जाल्ले सर्तींत भारतान फायनलींत पाकिस्तानाक हारयिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
