भांगरभूंय | प्रतिनिधी
वैदीक ज्योतिष शास्त्रांत, ग्रहांच्या हालचालींक विशेश म्हत्व दिलां. हातूंत शनीक कर्मफळदाता गिरो अशेंय म्हणटात. कारण शनी दरेकल्याक आपल्या कर्मा प्रमाण फळ दिता, अशें ज्योतिशशास्त्र म्हणटा. मळबांत दिसपी चंद्र आपले कक्षेंत शनीक पुरायपणान व्यापून उडयतलो. वट्ट १८ वर्सां उपरांत भारतांत हो दुर्मीळ योगायोग जुळून येतलो. भारतांत २४- २५ जुलयचे राती कडेन हें चंद्र गिराण दिसतलें.
ह्या काळांत शनी चंद्राच्या फाटल्यान लिपतलो आनी चंद्राचे कडेन शनीचें एक रींग कशें तयार जातलें. ह्या अद्भूत योगांचें संशोधन खगोलशास्त्रांत करतात.
गिराणाची वेळ
खगोलशास्त्राच्या अदमासा प्रमाण, २४ जुलयाक रातच्या देडांक मळबांत हें दृश्य पळोवपाक मेळटलें. रातचें १ जावन ४४ मिनटांनी चंद्र शनीक आपल्या फाटल्यान पुराय व्यापून घेतलो. जाल्यार, रातीं ०२ जावन २५ मिनटांनी शनी चंद्राचे कक्षेंतल्यान भायर सरतना दिसतलो.
ह्या देशांत दिसतलें गिराण
हें गिराण भारतांत दितलेंच. श्रीलंका, म्यानमार, चीन आनी जपानांतूय तें पळोवपाक मेळटलें. शनीच्या चंद्र गिराणाचे हे घडणुकेक ‘लुनार ऑकल्टेशन ऑफ सॅटर्न’ अशें नांव दिलां. आपले गतीन चलिल्ले दोन गिरे जेन्ना आपलो मार्ग बदलतात तेन्ना शनी चंद्राच्या फाटल्यान उदेंता. हातूंत सगळ्यांत पयलीं शनीचें रींग स्पश्ट दिसता. हो योग खगोलशास्त्राचो अभ्यास करपी संशोधकां खातीर सामको उत्सुकताय जागोवपी विशय आसतलो.
तीन म्हयन्यां उपरांत परत दिसतलें
संशोधकांच्या म्हणण्या प्रमाण, शनी चंद्र गिराणाचें हें दृश्य फकत दुर्बिणेन दिसपाक शकता. तशेंच तीन म्हयन्यां उपरांत हें दृश्य परत भारतांत दिसतलें. तशेंच खगोलशास्त्राच्या अंदाजा प्रमाण जर जुलय म्हयन्यांत हें चंद्र गिराण दिसूंक ना जाल्यार १४ ऑक्टोबराची वाट पळोवची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
