भांगरभूंय | प्रतिनिधी
न्यूयाॅर्क, खबरां संस्था : फाटल्या कांय दिसां सावन जम्मू- काश्मीर, मणिपूर आनी भारतांतल्या हेर वाठारांनी आतंकवादी हल्ल्यांच्यो आनी हिंसाचाराच्यो घडणुको सतत घडत आसात. ह्या घडणुकां उपरांत अमेरिकेन भारताच्या ईशान्य राज्यांनी येवपी नागरिकांक सादूर रावपाची शिटकावणी दिवन मार्गदर्शक तत्वां जारी केल्यांत. भारतांत आतंकवादी घडणुकां उपरांत अमेरिकेन आपल्या नागरिकां खातीर प्रवास सल्लागार जारी केला.
हाचे प्रमाण अमेरिकेन भारतांतल्या मणिपूर, जम्मू-काश्मीर आनी भारत-पाकिस्तान शिमेवयल्या वाठारांनी वचूंक नाकात असो सल्लो दिला. तशेंच नक्सली लोक सक्रीय आशिल्ल्या वाठारांनी वचूंक नाकात अशें सांगलां. अमेरिकेन आपल्या नागरिकांच्या सुरक्षिततायेचे फाटभुंयेर ह्यो सुचोवण्यो जारी केल्यात.
अमेरिकेन जारी केल्ल्या मार्गदर्शक तत्वांत भारतांतल्या कांय वाठारांनी हो धोको वाडला. एकंदरीत भारताक लेव्हल-२ आनी देशांतल्या जायत्या वाठारांनी लेव्हल-४चेर दवरला. तातूंत जम्मू-काश्मीर, भारत-पाकिस्तान शिमो, मणिपूर आनी मध्य आनी उदेंत भारताचे कांय भाग आस्पावतात.
अधिकार्यांच्या म्हणण्या प्रमाण पर्यटन थळांचेर हिंसक गुन्यांव घडल्यात. आतंकवादी खंयच्याय वेळार हल्लो करपाक शकतात, मॉल, पर्यटन थळां, बाजारपेठ आनी सरकारी संस्थांचेर लक्ष्य करपाक शकतात. मजगतीं, भारता विशींच्या सल्ल्यांत म्हणलां, अमेरिकन सरकारकडेन ग्रामीण भागांनी अमेरिकन नागरिकांक आपत्कालीन सेवा दिवपाची तांक मर्यादीत आसा. हे क्षेत्र अदेंत महाराष्ट्र आनी उत्तर तेलंगणा पसून अस्तंत बंगाल पसून पातळ्ळ्यात.
ह्या राज्यांनी भोंवडी करची न्हय असो सल्लो
अमेरिकेन जारी केल्ल्या सुचोवण्यांनी मणिपूर आनी जम्मू-काश्मीरांत प्रवास करचो न्हय अशें सांगलां. नक्सलवाद, आतंकवाद आनी नागरी अशांततायेक लागून जम्मू-काश्मीर वाठारांत भंय आसा. आतंकवाद आनी नागरी अशांततायेक लागून जम्मू-काश्मीरांत (उदेंत लद्दाख आनी लेह सोडून) प्रवास करचो न्हय अशें तातूंत म्हणलां. सशस्त्र संघर्श जावपाची शक्यताय आशिल्ल्यान भारत-पाकिस्तान शिमे सावन १० किमी भितर वचूंक नाकात. तेभायर अमेरिकन लोकांक हिंसाचाराक लागून ईशान्य राज्यांनी भोंवपाचो परतून विचार करपाचोय सल्लो दिला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
