भांगरभूंय | प्रतिनिधी
नवी दिल्ली: भारतांत वयक्तीक देणग्यां मदलो ४५.९% वांटो धर्मीक थळांक वता. ४१.८% देणग्यो सामके गरीब, गरजू आनी भिक्षा माप्यांक मेळटात. गैर-धर्मीक संस्थां मेरेन फकत १४.९% देणग्यो पावतात. ही गजाल ’हाऊ इंडिया गिव्स’ अहवालाच्या तिसरे आवृत्तींत मुखार आयल्या.
अहवाला प्रमाण, देशांत देणग्यांचो सगल्यात व्हड आदार सामान्य कुटुंबां आसात. वट्ट घरगुती देणग्यांचो अंदाज दर वसार ५४ हजार कोटी रुपया आसा. अहवाला प्रमाण, ६८% लोकांनी खंयच्या ना खंयच्या स्वरुपांत दान केल्ल्याचें सांगलें.
देणगी म्हणून दिल्लें बरेंच जेवण फुकट सामुदायीक स्वयंपाकघरां मेरेन पावता. सेवेचें सगल्यांत सामान्य स्वरूप म्हळ्यार धर्मीक संस्थां मदीं काम करप. अहवालांत भारतांतल्या घरांच्या दैनंदीन देणग्यांचें प्रमाण, पद्धती आनी कारणां स्पश्ट केल्यांत.
अशें सांगतात, भारतीयांचो संवसारांत सगल्यांत उदार लोकां मदी आसपाव आसा. हो अभ्यास २० राज्यांतल्या सर्वेक्षणाचेर आदारून आसा. सामान्य लोक रोख रक्कम, वस्तूंच्या स्वरूपांत मदत आनी समाजीक कामांत कशें योगदान दितात हें समजून घेवप हो हाचो हेतू.
खंयच्या स्वरुपांत देणगी
४८% जेवण, कपडे, गरजेचें सामान
४४% रोख देणगी
३०% वेळ दिवन सेवा
उच्च उत्पन्नः दान ८०% मेरेन
४०००-५००० रुपया म्हयन्याचें उत्पन्न आशिल्लीं अर्दीं कुटुंबां दान करतात.
दानाचीं सगल्यांत व्हड कारणां
९०% परस चड लोक हाका धर्मीक कर्तव्य मानतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
