भांगरभूंय | प्रतिनिधी
नवी दिल्ली, खबरां संस्था ः भारतीय अंतराळ संशोधन संघटना (इस्रो) 2035 मेरेन देशी अंतरिक्ष केंद्र स्थापन करपाची तयारी करता. ते खातीर देशाक रिसायकल करपाक योग्य असो रॉकेट जाय. तो जड आसूंक फावना. ह्या रॉकेटाचें इंजिन भारतान तयार केलां. तशेंच ताचो 150 चांचण्योय जाल्यो. रॉकेट डेक तयार जाला. सप्टेंबर 2025 वर्सा ते उड्डाण करतले. भारत 1969 वर्सा सावन रॉकेट तयार करता. पूण रिसायकल तंत्रगिन्यानाच्या मळार देशाक आजून येस मेळूंक ना. पूण देश आतां ह्या तंत्रा लागीं पावला. हे खेपे येसस्वी जाल्यार हे पयलें रियुजेबल रॉकेट थारतले. स्पेस एक्स हे अमेरिकन कंपनी कडेन अशेंच जड रॉकेट आसा. भारताचे रॉकेट 600 ते 800 कोटी रुपयांनी तयार जातले.
एकूच रॉकेट 25 फावटीं उड्डाण करुंक शकता. हे रॉकेट 25 फावटीं अवकाशांत वचून उपगिऱ्यांक धर्तरेचे कक्षेंत स्थापन करुन धर्तरेचेर परत येतले. एकदां निर्मीती जाले उपरांत उड्डाणाचो खर्च दरेकी 24 कोटी येतलो. भारत तीन प्रकारचे रॉकेट तयार करता. पयलें – रियुजेबल साउंडिंग रॉकेट (RSR), दुसरें – एसआरएलव्ही आनी तिसरें – एमआरएलव्ही रॉकेट. ह्या तिनूय रॉकेटांचो उपेग उपगिऱ्यांच्या प्रक्षेपणा खातीर जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
