भांगरभूंय | प्रतिनिधी
नवी दिल्ली, खबरां संस्थाः नवीन गाडयो बाजारांत आयल्यो कांय तांचो मॉडेल, तांची खाशेलपणां हाका लागून त्यो लोकप्रीय जातात. सध्या भारतीय ऑटोमोबायल बाजारांत एसयूव्ही गाडयेचो क्रेज वाडट आसा. टाटा मोटर्स कंपनी खातीर 2026 वर्साची सुरवात बरी आशिल्ली. जानेवारी म्हायन्यांत टाटा नेक्सनान मारुती सुझुकीच्या बेस्ट सेलिंग सेडान डीझायर कारीक फाटीं घालून पयल्या क्रमांकाचेर पावली.
जानेवारी 2026त टाटा नेक्सन कंपनीन आतां मेरेनची सगळ्यांत चड म्हयन्याळी विक्री नोंद केल्या. फाटल्या म्हयन्यांत नेक्सनाचे वट्ट 23,365 युनिट विकले. जाल्यार मारुती डिझायराचे 19,629 युनिट विकले.
नेक्सन आनी पंचान केलो नवो विक्रम
जानेवारींत टाटा मोटर्साच्या नेक्सन आनी पंच ह्या दोन लोकप्रिय एसयूव्ही गाडयांनी आतां मेरेनची सगळ्यांत बरी म्हयन्याळी विक्री नोंद केली. नेक्सनाची विक्री 23 हजार युनिट जाल्यार टाटा पंच कंपनीनय 19,257 युनिट विकले.
भारतांत जानेवारी 2026त सगळ्यांत चड विकिल्ल्यो टॉप 10 गाडयो
टाटा नेक्सॉन 23,365 युनिट्स, मारुती सुझुकी डिझायर 19,629 युनिट्स, टाटा पंच 19,257 युनिट्स, हुंडई क्रेटा 17,921 युनिट्स, मारुती सुझुकी अर्टिगा 17,892 युनिट्स, मारुती सुझुकी स्विफ्ट 17,806 युनिट्स, मारुती सुझुकी ब्रेझा 17,486 युनिट्स, मारुती सुझुकी बलेनो 16,782 युनिट्स, महिंद्रा स्कॉर्पिओ 15,542 युनिट्स आनी मारुती सुझुकी व्हिक्टोरिस 15,240 युनिट्स.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
