भांगरभूंय | प्रतिनिधी
ऍपल आपली डिजिटल पेमेंट सेवा ‘ऍपल पे’ भारतांत सुरू करपाची तयारी करता. हे खातीर कंपनीन मास्टरकार्ड आनी व्हिसा ह्या मुखेल कार्ड नेटवर्का कडेन चर्चा सुरू केल्या. मनीकंट्रोलाच्या अहवाला प्रमाण भारतांत गरजेच्यो नियामक मंजुरी मेळोवपाचे प्रक्रियेंत आसा. कंपनीन २०२६ मेरेन टप्प्या टप्प्यान ही सेवा सुरू करपाची येवजण आंखल्या.
सुरवातेक यूपीआय बगर सेवा सुरू जावपाक शकता
खबरां प्रमाणApple Pay च्या पयल्या टप्प्यांत कंपनी UPI (Unified Payments Interface) खातीर Third Party Application Provider (TPAP) परवान्या खातीर अर्ज करची ना. सुरवातेक Apple पुरायपणान कार्डाचेर आदारीत संपर्कविरयत फारीकणीचेर लक्ष केंद्रीत करतले. म्हणल्यार आयफोन वापरप्यांक आपलें क्रेडीट वा डेबिट कार्ड Apple Walletत सांठोवंक मेळटलें आनी फकत आपलो फोन टॅप करून वेपारी आवटलेटांचेर फारीकणी करपाक मेळटली.
टॅप-टू-पे फिचराक लागून सुविधा मेळटली
Apple Pay सुरू जाले उपरांत वापरप्यांक फिजीकल कार्ड वांगडा दवरपाची गरज पडची ना. हातूंत ‘टॅप-टू-पे’ तंत्रज्ञानाचो वापर जाता. जें नियर-फील्ड कम्युनिकेशन (एनएफसी)चेर आदारीत आसा. वापरकर्ते फेस आयडी वा टच आयडी वरवीं पेमेंट करपाक शकतले. हाका लागून पेमेंट प्रक्रिया खूब वेगान आनी सुरक्षीत जातली. सध्या भारतीय कार्ड्स पल वॉलेटांत जोडपाची सुविधा उपलब्ध ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
