भांगरभूंय | प्रतिनिधी
नवी दिल्ली, खबरां संस्था ः भारतांतल्या खण उत्पादनांत जुलय म्हयन्यांत वर्साक 10.7 टक्क्यांनी वाड जाल्या अशी म्हायती खण मंत्रालयान दिली. इंडियन ब्युरो ऑफ माइन्सच्या (आयबीएम) आंकड्यां प्रमाण जुलय 2023 वर्सा खण आनी उत्खनन क्षेत्रांतलो खनिज उत्पादन निर्देशांक 111.9 आशिल्लो. फाटल्या वर्साच्या तुळेंत 10.7 टक्क्यांनी चड आसा. चालू अर्थीक वर्सा एप्रिल ते जुलय ह्या काळांत वट्ट 7.3 टक्क्यांनी वाड जाल्या.
कोळसो – 693 लाख टन
लिग्नायट – 32 लाख टन
पेट्रोलियम (कच्चें) – 25 लाख टन
बॉक्सायट – 14,77,000 टन
क्रोमायट – 2,80,000 टन
जुलय 2023 वर्साच्या तुळेंत जुलय 2023 वर्सा वाड जाल्ल्या खनिजांत क्रोमायट, मँगनीज धातुक, कोळसो, चुनखडी, लोखण धातुक, भांगर आनी तांबें हांचो आस्पाव आसा. जाल्यार लिग्नायट, बॉक्सायट, फॉस्फोरायट आनी हिऱ्याचें उत्पादन उणें जालां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
