भांगरभूंय | प्रतिनिधी
भारतांतल्यान युरोपांत डिझेलाची पुरवण फाटल्या दोन वर्सांत सगळ्यांत उण्या पांवड्यार पावल्या. अमेरिकन मिडिया ब्लूमबर्गच्या अहवाला प्रमाण तांबड्या दर्यांतल्या हैतींच्या सेगीत जावपी हल्ल्यांचो आंतरराश्ट्रीय वेपाराचेर व्हड परिणाम जावपाक लागला.
आशियेंतल्यान युरोपियन युनियन (EU)आनी ब्रिटनांत वचपी माल येरादारीचें शुल्क वाडलां. अशे परिस्थितींत अस्तंती देशां बदला आशियेंत माल धाडप परवडपा सारकें जालां. ब्लूमबर्गान व्होर्टेक्सा लिमिटेडच्या डेटाचो हवालाचो उल्ले करीत सांगलें, फेब्रुवारीच्या पयल्या दोन सप्तकांत भारतांतल्यान सदांच सुमार १८ हजार बॅरल डिझेल युरोपांत पावलें. हें जानेवारी परस सुमार ९०% उणें जावन आसा.
स्पार्टा कमोडिटीजचे विश्लेषक नोएल-बेस्वीक हांणी सिंगापूर सारक्या उदेंत देशांतल्यान निर्यात अस्तंत देशां परस खूब बरी जाल्या. युरोप वा अटलांटीका वचपी टँकरांक दक्षीण आफ्रिकेच्या केप ऑफ गुड होपांतल्यान हैतींच्या भंयान वचचें पडटा. ताका लागून अंतर वाडलां. हाचो सरळ परिणाम खर्चाचेर जाता. तशेंच खुबशे फावटीं तांकां सुएझ कालव्याचो मार्ग स्वीकारचो पडटा. जंय धोको आसता ताचे वांगडा विमा शुल्कूय चड आसता. ह्या सगळ्या कारणांक लागून शिपींग शुल्क वाडटा.
फेब्रुवारींत भारतांतल्यान खंयच्याच EU देशांत डिझेल पावूंक ना
आंकड्या प्रमाण फेब्रुवारींत फकत १ डिझेलाची शिपमेंट ब्रिटनांत पावली. EU त ताची पुरवण सोंपली. हालीं मार्लिन सिसिली आनी मार्लिन ला प्लाटा नांवाच्या दोन बोटींनी भारतांतल्यान बॅरल लोड केल्यात, जे ह्या म्हयन्याचे निमाणे कडेन नेदरलँडांतल्या रॉटरडॅमाक पावतले.
दुसरे वटेन फेब्रुवारींत भारतांतल्यान आशियाई देशांत डिझेल माल येरादारी करप्यांच्या आंकड्यांत वाड जाल्ल्याचें नोंद जालां. हांतलो कांय माल बांगलादेश आनी सौदी अरेबियांतूय पावला. पीस व्हिक्टोरिया आनी ऑरेंज व्हिक्टोरिया ह्या बोटींचेर भरिल्लो माल पूर्व आशियेंत पावयतात.
भारताचो ८०% वेपार दर्याच्या मार्गान जाता
१२% ते ३०% संवसारीक वेपार आनी कंटेनर येरादारी तांबड्या दर्यांतल्या सुएझ कालव्यांतल्यान दर वर्सा वता. हैती बंडखोरांक लागून युरोप आनी आशियांतल्या मुखेल रस्त्या वयलो आंतरराष्ट्रीय वेपार आडखळींत सांपडला.
भारताचो ८०% वेपार दर्याच्या मार्गान जाता. तशेंच ९०% इंधन दर्याच्या मार्गान येता.
अमेरिका आनी ब्रिटन हैतीं आड कारवाय करतात. दोनूय देशांनी मेळून येमेन हांगच्या हैतींच्या स्टेशनांचेर आतां मेरेन तीन फावटीं हल्ले केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
