भांगरभूंय | प्रतिनिधी
चेन्नय, खबरां संस्था ः भारतांतले हरित क्रांतीचे जनक डाॅ. एम एस स्वामीनाथन (98) आयज 28 सप्टेंबराक संवसाराक अंतरले. भारतांतल्या उण्या उत्पन्नाच्या शेतकारांक चड उत्पादन करपाक मजत करपी भाताच्यो चड उत्पन्न दिवपी जाती तयार करपांत स्वामीनाथनाचो मुखेल वांटो आशिल्लो. शेतकी मळार दिल्ल्या योगदाना खातीर तांकां 1972 त पद्मभूषण भेटयिल्लें. स्वामीनाथनाच्या फाटल्यान तांची घरकान्न मीना आनी तीन चलयो आसात.
स्वामीनाथन हांकां 1987 वर्सा पयलो संवसारीक अन्न पुरस्कार फावो जाल्लो. उपरांत तांणी चेन्नयंत एम एस स्वामीनाथन रिसर्च फावंडेशनाची थापणूक केली. साबार पुरस्कारां वांगडाच स्वामीनाथन हांकां 1971 वर्सा रेमन मॅगसेसे पुरस्कार आनी 1986 वर्सा अल्बर्ट आयनस्टायन वर्ल्ड सायन्स पुरस्कार मेळ्ळे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
