भारतांतले पयलें 5 जी वायरलेस वाय- फाय उपकरण
भांगरभूंय | प्रतिनिधी
भांगरभूंय । खबरां संस्था
नवी दिल्ली : भारतीय एअरटेलान काल ‘फिक्स्ड वायरलेस एक्सेस’ (FWA) उपकरण बाजारांत हाडलें. भारतांतलें हें पयलें 5 जी वायरलेस वाय- फाय उपकरण. देशांत फायबर वायफाय सुविधा नाशिल्ल्या वाठारांनी इंटरनॅट सेवा दिवपाक हे उपकरण मजत करतले.
ह्या उपकरणा वरवीं भारतांतल्या गांवगिऱ्या आनी शारांनी जोडणी मेळटली अशें कंपनीन सांगलां. फायबराच्या आदारान घर- ऑफिसाक वाय- फाय वरवीं बरी इंटरनॅट सेवा मेळटा. तशेंच एअरटेलाच्या खाशेल्या सेवेन फायबर आनी बिगर फायबर वाठारां मदलो फरक भरून काडला.
देशांतल्या मुखेल दूरसंचार कंपनीन आयज एक्सट्रीम एअरफायबर बाजारांत हाडलो. सध्या ही सेवा फकत दिल्ली आनी मुंबय ह्या दोन शारां खातीर सुरू केल्या. हाचे उपरांत कंपनी जायत्या शारांनी एक्सट्रीम एअरफायबर जोडणी सुरू करतली. ‘मेक इन इंडिया मिशन’ खाला सगळ्यो एक्सट्रीम एअरफायबर उपकरण भारतांत तयार करतले अशें एअरटेलान सांगलां.
एक्सट्रीम एअरफायबर हें इन- बिल्ट वाय- फाय 6 तंत्रज्ञानांत सज्ज आसून ते एक प्लग- अँड- प्ले डिव्हाईस आसा. एअरटेलाचे नवें वाय-फाय उपकरण एका वेळार 64 उपकरणां मेरेन जोडणी करुन इंटरनेट चलोवपाक शकता.
दिल्ली आनी मुंबय ह्या दोनूय शारांतल्या वेंचून काडिल्ल्या एअरटेल स्टोरांतल्यान विकतें घेवंक मेळटा. हें उपकरण खरेदी केल्या उपरांत तुमकां फोनांत एक्स्ट्रीम एअरफायबर अॅप डाउनलोड करचो पडटलो. उपकरण सेटअप फकत हांगाच्यान जातलें. हाचे उपरांत गिरायक फोनाचेर क्यूआर कोड स्कॅन करून वा पासवर्ड घालून वाय-फाय कडेन जोडूंक शकतात आनी इंटरनॅटाचो पुराय आनंद घेवंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
