भांगरभूंय | प्रतिनिधी
पुणें : स्टार्टअप कंपनी वायवे मोबिलिटी वरवीं ऑटो एक्सपोंत भारतांतली पयली सौरऊर्जेचेर चलपी गाडी लॉंच केल्या. वेव इवा ही एक ल्हानशीच गाडी. जातूंत २ लोक आनी एक भुरगें बसपाक शकता. कंपनीचो दावो आसा, ही गाडी एका चार्जाचेर २५० किलो मिटरांची रेंज दितली.
ही EV ५ सेकंदांत ०-४० किलोमीटर दर वराक वेग वाडोवपाक शकता. इवाची सुरवातेकची एक्स-शोरूम किंमत ३.२५ लाख रुपया आसा. जातूंत सबस्क्रिप्शन प्लॅन म्हणून बॅटरेचो आसपाव आसा.
तशेंच, शुक्रारा iX1 LWB लॉंच केले उपरांत जर्मन लक्झरी ऑटोमेकर BMWन दुसर्याच दिसा ४ लॉंच केल्यात. हातूंत मिनी कूपर S JSW पॅक आनी नवी BMW X3 ह्यो दोन गाडयो लॉंच केल्यात. तशेंच S 1000 RR आनी R 1300 GSA एडव्हेंचर ह्यो दोन बायक्स सादर केल्यो.
विनफास्टान भारतीय बाजारांत तांच्यो फ्लॅगशिप इलेक्ट्रिक SUV VF 6 आनी VF 7 चें अनावरण केलां. दोनूय इलेक्ट्रिक एसयूव्हींत विमानान प्रेरीत डिझाइन आसा आनी तातूंत केबिना वरीं कॉकपीट आसा. हातूंत एज-टू-एज मूनरूफय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
