भांगरभूंय | प्रतिनिधी
पणजी : ज्या विद्यार्थ्यांनी धावी वा इकरावेची परीक्षा गोंय सोडून हेर शालान्त मंडळा कडल्यान दिल्या तांकां गोंयांत इकरावी वा बारावे खातीर प्रवेश जाय आसल्यार गोंय शालान्त मंडळाचें पात्रता प्रमाणपत्र घेवप गरजेचें. हें पात्रता प्रमाणपत्र दिले बगर खंयच्याच विद्यालयान हेर मंडळांच्या विद्यार्थ्यांक प्रवेश दिवचो न्हय, अशें परिपत्रक शालान्त मंडळान जारी केलां. परिपत्रका पयलीं प्रवेश दिल्ल्यान १५ जून पयलीं अशा विद्यार्थ्यांची शालान्त मंडळाकडेन नोंदणी करपाचे निर्देश मंडळान दिल्यात.
प्रवेश घेवंक ना जाल्यार विद्यार्थ्यांनी शालान्त मंडळाचे वेबसायटीचेर (www.gbshe.in) प्रमाणपत्र तशेंच हेर म्हायती सादर करून पात्रता प्रमाणपत्र मेळोवप गरजेचें. हे खातीर ४०० रूपया शुल्क भरचें पडटलें. सगळी म्हायती आनी शुल्क भरल्या उपरांत पात्रता प्रमाणपत्र डावनलोड करप शक्य जातलें. हें प्रमाणपत्र उच्च माध्यमीक विद्यालयाक सादर केले उपरांतूच तांकाञ उच्च माध्यमीक विद्यालयांत प्रवेश मेळप शक्य जातलें. जांकां ह्यान पयलीं प्रवेश दिला तांणीय हें प्रमाणपत्र मेळोवन विद्यालयांत सादर करचें, अशें मंडळान स्पश्ट केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
