भांगरभूंय | प्रतिनिधी
मुंबय, खबरां संस्था ः लोकप्रीय टेलिव्हिजन माळ ‘भाभी जी घर पर हैं’ हातूंत काम करपी अभिनेते फिरोज खान संवसाराक अंतरले. काळजाचो आताक येवन उत्तर प्रदेशांतल्या बदांयूंत तांका मरण आयलें.
फिरोज आपले एके कार्यावळीची तयारी करपाक बदांयू आशिल्ले. ताणें 4 मे दिसा बदांयू क्लबांत मतदार महोत्सवांत आपले निमाणे सादरीकरण केल्लें.
अमिताभाची नक्कल करताले
म्हान अभिनेतो अमिताभ बच्चन हांची नक्कल करून फिरोज खान फामाद जाल्ले. भाभीजी घर पे है, जीजी जी छत पर है, साहब बीबी और बॉस, हप्पू की उल्टन पल्टन आनी शक्तिमान ह्या माळांनी तांणी अभिनय केला. गायक अदनान सामी हांच्या ‘थोडी सी तो लिफ्ट कारा दे’ ह्या गीतांतय तांणी काम केलां.
सोशल मिडियाचेर फिरोज खान खूब सक्रीय आसताले. अमिताब बच्चन वांगडाच तांणी दिलीप कुमार, शाहरुख खान, धर्मेंद्र, सनी देओल ह्या सारक्या जायत्या फिल्म कलाकारांची मिमिक्री केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
