भांगरभूंय | प्रतिनिधी
भांगरभूंय । प्रतिनिधी
वास्कोः बोगमोळो पंचायत वाठारांत भाड्याच्या कुडींनी रावपी लोकांची पडताळणी करपाची मागणी बोगमोळो पंचायत सरपंच संकल्प महाले हांणी वास्को पुलीस स्टेशनाचो निरीक्षक कपील नायक हांका एक निवेदन भेटोवन केल्या. सद्या भाड्यान रावपी लोकांची पडताळणी करपाची सामकी गरज आसा. जांचे कडेन कसलीच वळख ना तांचे आड आमी कारवाय करतले अशें कपील नायक हांणी सांगलें.
भाडेकरू पडताळणीचें काम आमी सुरू केलां. कितल्याश्याच घर धनयांनी पुलिसांक कसलीच म्हायती दिनास्तना लोकांक भाड्यांनी आपल्यो कुडी दिल्यात अशें उक्ताडार आयलां. ज्यांनी भाड्यान रावपी लोकांची म्हायती दिल्ली ना तांकां ती दिवपाची आमी कडक समज दिल्या आनी आतां ते जायती म्हायती दिवपाक लागल्यात अशें नायक हांणी सांगलें.
सरपंच संकल्प महाले हांणी केल्ले विनवणी वयल्यान आमी बोगमोळो वाठारांत भाड्यान रावपी लोकांची पडताळणी करतले. पर्यटन सिझनाक लागून दाबोळी विमातळार पर्यटकांची व्हडा प्रमाण यो-वचप चल्लां. ते खातीर ज्या कोणे भाडेकरू दवोरल्यात तांची म्हायती तांणी बेगोबेग पुलीस स्टेशनाक दिवपाक जाय. ना जाल्यार कसलोय अनुचीत प्रकार घडल्यात ते त्रासांत पडपाक शकतात अशें तांणी सांगले. पर्यटन सिझनात बोगमोळो वाठारांत नाक तें घडचें न्हय हे खातीर भाड्यान रावपी लोकंची पडताळणी करपाची मागणी पंचायत मंडळान पुलिसां कडेन केल्या अशें संकल्ह महाले हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
