भांगरभूंय | प्रतिनिधी
पणजी : फाटल्या सप्तकांत शंबरांक पाविल्लें टोमॅटोचे दर उणें जाले. टोमॅटो सोमारा पणजे बाजारांत ७० ते ८० रुपया कील दरान विकपाक आशिल्लें. पूण हेर भाजयांच्या दरांत मात्शी वाड जाली. वालपापाडीचें दर कील ४० रुपयांनी वाडून १६० रुपया जालेंे. डब्बू मिरसांगेचें दर २० रुपयांनी वाडून १२० रुपया कील जालें. तवश्याचें दर १० रुपयांनी वाडून ६० रुपया कील जालें.
पणजे बाजार दर
कोथंबिरेची एक चुडी १० रुपयांनी वाडून ३० रुपया जाल्या. आलें, लसूण आजूनय म्हारगूच आसा. सोमारा आलें २०० रुपया, लसूण ६०० रुपया कील आशिल्लें. कांदो ६० रुपया जाल्यार बटाटा ५० रुपया कील आशिल्लो. बाजारांत कारातें, घोसाळीं, गवार, भेंडे, वायंगीं दरेकी ८० रुपया कील दरान विकताले. मध्यम आकाराचो लिंबू ७ रुपयांक एक ह्या दरान विकताले. गाजर ८० रुपया कील आशिल्लो.
बाजारात मिरसांगेचें दर १२० रुपया कील आशिल्लें. फाटल्या सप्तकाचे तुळेंत दुदयाचें दर १० रुपयांनी उणें जावन ५० रुपया कील जालें. कोबी ४० रुपया कील जाल्यार एक फ्लॉवर ५० रुपयांनी आशिल्लो. मसकाच्यो शेंग्यो १६० रुपयांनी आशिल्लो. नाल्लाचें दर आकारा प्रमाण ३० ते ४० रुपयांनी आशिल्लें. जाल्यार पुदिनाची चुडी १० रुपयांनी आशिल्ली.
पाले भाजयांचो दर
पाले भाजयांचो दर हे खेपो हालूंक ना. मेथी ३० रुपयांनी, शेपू २५ रू., तांबडी भाजी १५ रू. पालक भाजी आनी कांद्याची पात १० रुपयांनी एक चुडी विकपाक आशिल्ली. जाल्यार फलोत्पादन मंडळाच्या गाड्यांचेर कांदो ५३ रू., बटाट ४५ रू., टोमॅटो ६९ रू., वालपापडी ११५ रू., मिरसांग ७६ रू., भेंडे ६० रू., गाजर ३९ रू. जाल्यार कोबी ३९ रुपया कील दरान विकताले. फ्लॉवराचो एका नगाचें दर ३९ रुपया आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
