भांगरभूंय | प्रतिनिधी
शिवोले जाली कॉंग्रेस गटसमितीची बसका
म्हापशें : भाजप सरकारान जायते घोटाळे केल्यात. हाचो फटको गोंयच्या लोकांक बसला. ह्या सरकाराचे नितीक लागून जनता त्रासांत पडल्या. येवपी जिल्लो पंचायत वेंचणुके वरवीं कॉंग्रेसीच्या कार्यकर्त्यांनी घोटाळे जनते मुखार व्हरून सरकाराक उक्ताडार हाडचें, असो उलो कॉंग्रेस प्रदेशाध्यक्ष अमित पाटकार हांणी मारलो.
शिवोले कॉंग्रेस गट समितीची बसका तारचीभाट शिवोले कपिल कोरगांवकार हांच्या घरा जाली. ह्या वेळार कार्यकर्त्यांक मार्गदर्शन करतना पाटकर उलयताले.
ह्या वेळार कॉंग्रेसीचे प्रभारी माणिकराव ठाकरे, उत्तर गोंय जिल्लोध्यक्ष विरेंद्र शिरोडकार, सचीव प्रणव परब, सेवा दल अध्यक्ष राजन घाटे, आदले मंत्री चंद्रकांत चोडणकार, शिवोलेचे प्रभारी प्रदीप देसाय, गटाध्यक्षा पार्वती नागवेंकार, कपिल कोरगांवकार, राजेश कोचरेंकार आनी चंदन मांद्रेंकार माचयेर हजर आशिल्ले.
तशेंच दिगंबर सावंत, रोशन चोडणकार, यश कोचरेंकार, व्हिक्टर फर्नांडीस, थॉमस माचेडो, जॉन पायर्स, सुनीता गोलतेकार, जॉन डिसोझा, बलभीम मालवणकार, सोमा चोडणकार, सेल्वी फर्नांडीस आनी हेर कार्यकर्ते हजर आशिल्ले.
कॉंग्रेस फुडारी माणिकराव ठाकरे हांणी कार्यकर्त्यांक पक्षची रचनेची म्हायती दिली. बूथ समिती आनी गटसमिती कश्यो घटमूट करपाक जाय हे विशीं मार्गदर्शन केलें. येवपी वेंचणुकेंत पक्ष घटमूट जावन मुखार वतलो. मतदारसंघाचेर पक्ष कार्याची उदरगत पळोवपा खातीर आमी बेगीनूच मतदारसंघाक भेट दितले,अशें तांणी सांगलें.
प्रभारी प्रदीप देसाय हांणी शिवोले मतदारसंघांतली पक्ष कार्याची म्हायती दिली. सुत्रसंचालन गटाध्यक्ष पार्वती नागवेंकार हांणी केलें. उपकार कपिल कोरगांवकार हांणी मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
