भांगरभूंय | प्रतिनिधी
मुख्यमंंत्र्यांंनी प्रदेश भाजप अध्यक्षां सयत केली कामाची पळोवणी
पणजी: कदंब सड्यार पणजी – पोरणें गोंंय म्हामार्गा कुशीच्या भाजप मुख्यालय इमारतीचो वावर नेटान सुरू आसा. इमारतीचें 25 टक्के काम पुराय जालांं. येता ते डिसेंबर मेरेन इमारत पुराय जातली अशी म्हायती मुख्यमंंत्री डॉ. प्रमोद सावंत हांंणी दिली.
मुख्यमंंत्री डॉ. प्रमोद सावंंत हांंणी इमारतीच्या कामाची पळोवणी केली. ह्या वेळार तांचे सयत प्रदेश भाजप अध्यक्ष दामू नायक, भांंडारी संंजीव देसाय, आदले आमदार सिद्धार्थ कुंंकळ्येंकार आनी हेर हाजीर आशिल्ले. इमारतीच्या तळ माळ्याचें काम लागीं लागीं पुराय जालांं. कामाचो दर्जो आनी गतीचो मुख्यमंंत्र्यांंनी नियाळ घेतलो. डिसेंबर मेरेन इमारतीचें काम पुराय जालें जाल्यार फुडल्या वर्सा भाजप कार्यालयाचें नव्या इमारतींत स्थलांंतरण जातलें.
प्रदेश अध्यक्षा खातीर कॅबीन, कार्यालया, रावपाची वेवस्था, कॅण्टीन, परिशदघर, व्हीसी रूम अशो सुविधा आसतल्यो. 2900 चौखण मिटर जाग्याचेर इमारतीचें काम सुरू आसा.
महाराष्ट्राचे मुख्यमंंत्री देवेंद्र फडणवीस हांंचे हस्तुकीं फाटल्या ऑगस्टांत भाजप मुख्यालयाचो बुन्यादी फातोर बसयिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
