भांगरभूंय | प्रतिनिधी
आयज जातली वेंचणूक, दामूचें नांव निश्चीत
भांगरभूंय । प्रतिनिधी
पणजी : भारतीय जनता पक्षाच्या नव्या प्रदेश अध्यक्षाची घोशणा शेनवारा खाशेल्या मेळाव्यांत जातली. उमेदवारी अर्ज घेवपा सयत वेंचणूक आयज सांजे पक्षाच्या कार्यालयांत जातली. आदले आमदार दामू नायक हांचें नांव निश्चीत जालां, अशी म्हायती गोपांनी दिली.
पक्षाचे वेंचणूक अधिकारी प्रेमानंद म्हांब्रे हांणी पत्रकार परिशदेंत ही म्हायती दिली. पक्षाचे राष्ट्रीय सरचिटणीस सुनील बन्सल हे आयज गोंयांत येतले. तांचे हाजेरींत सांजे वेंचणूक जातली. उमेदवारी अर्ज घेवन मतदान जातलें. एकूच उमेदवारी अर्ज आयलो जाल्यार निवड बिनविरोध जातली. राज्य कार्यकारिणी वांगडी, तीन आमदार आनी दोन खासदार मेळोन 59 जाण अध्यक्षपदा खातीर मतदान करतले. अध्यक्षांची घोशणा मात शेनवारा जावपी मेळाव्यांत जातली. कोण उमेदवारी अर्ज भरतले वा कोणाचें नांव निश्चीत जालां ताची म्हायती ना, अशें प्रेमानंद म्हांब्रे हांणी सांगलें. राष्ट्रीय सरचिटणीस सुनील बन्सल हांचे सयत मुख्यमंत्री डॉ. प्रमोद सावंत आनी हेर मंत्री मेळाव्याक हाजीर आसतले. ह्या वेळार राष्ट्रीय कार्यकारिणी खातीरच्या 3 नांवांची घोशणा जातली. आतां मेरेन 40 तल्या 36 मतदारसंघांतल्या मंडळ अध्यक्षांची निवड जाल्या, अशें म्हांब्रे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
