भांगरभूंय | प्रतिनिधी
भाजपा सयत काँग्रेसीचे कार्यकर्ते आपले वांगडा
भांगरभूंय I प्रतिनिधी
पणजी : वेंचणुके पयलीं भाजपा सोडून अापणें चूक केल्ली. आतां परतून भाजपांत प्रवेश करून हांवेन ती सुदरल्या. भाजपाचेच न्हय जाल्यार काँग्रेस तशेंच हेर पक्षांचे कार्यकर्ते आपले वांगडा आसात, अशें आमदार मायकल लोबो हांणी म्हणलें.
मायकल लोबो हे 2012 त कळंगूट मतदारसंघांतल्यान भाजपाचे उमेदवारीचेर वेंचून आयिल्ले. 2017 त कळंगूट मतदारसंघांतल्यान दुसरे खेपे ते भाजपाचे उमेदवारीचेर वेंचून आयिल्ले. वेंचणुके पयलीं ते घन कोयर वेवस्थापन मंत्री आशिल्ले. घरकान्न डिलायला लोबो हिचे खातीर शिवोलेचे उमेदवारीचेर तांणी दावो केल्लो. डिलायला लोबो हिका भाजपाची उमेदवारी मेळप अशक्य आशिल्याचे कळटकूच तांणी भाजपा सोडलो. आमदारकीचो राजिनामो दिवन तांणी घरकान्नी सयत काँग्रेसींत प्रवेश केलो. ते कळंगूट मतदारसंघांतल्यान जाल्यार डिलायला लोबो शिवोली मतदारसंघांतल्यान वेंचून आयली. वेंचणुके उपरांत तांकां विरोधी पक्ष फुडारीपद मेळ्ळें. काँग्रेसीच्या हेर सात आमदारां सयत तांणी 14 सप्टेंबराक भाजपांत प्रवेश केलो.
पंदरा वर्सां आपूण भाजपांत आशिल्लो. भाजप सोडप ही आपली चूक आशिल्ली, अशें तांणी आतां मान्य केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
