भांगरभूंय | प्रतिनिधी
दोन जखमी, आमदारा सयत तिगांक अटक
मुंबय, खबरां संस्था : उल्हासनगर- हिललायन पुलीस स्टेशनांत भाजपा आमदार गणपत गायकवाड हांचो फारपेट. शिंदे गटाचे फुडारी महेश गायकवाड आनी राहुल पाटील जखमी. आमदार गणपत गायकवाडा सयत तिगांक अटक. मुख्यमंत्री शिंदेंक लागून फारपेट केलो, अशें गणपत हांणी सांगलें.
आमदारान कितें सांगलें?
“पुलीस स्टेशनाच्या दारांत म्हज्या चल्याक धक्काबुक्की केली. म्हज्या जाग्याचो ह्या लोकांनी (महेश गायकवाड) ताबो घेतला. एकनाथ शिंदे हे महाराष्ट्रांत गुन्यांवकारांचें राज्य घडोवपाचें यत्न करतात. ते मुख्यमंत्री आसले जाल्यार महाराष्ट्रांत फक्त गुन्यांवकारूच जल्माक येतले. म्हजे सारक्या बऱ्या मनशाक शिंदेन आयज गुन्यांवकार केलो. म्हाका मनस्ताप जालो म्हूण हांवें फारपेट केलो. हांवे पांच गुळयो मारल्यो, म्हाका ताचो मात्तूय पश्चाताप जायना. म्हज्या चल्याक जर कोण पुलीस स्टेशनांत मारतात, जाल्यार मागीर हांव कितें करतलों? पुलिसांनी म्हाका धरलो म्हूण तो (महेश) वाटावलो. पुलिसांनी हस्तक्षेप केलो. हांव ताका जिवो मारपाचो नासलो. हांवें आत्मसंरक्षणा खातीर हें पावल उखल्लें. एकनाथ शिंदेन असलेच गुन्यांवगार महाराष्ट्रांत पाळ्ळ्यात. शिंदे दुसऱ्यांची जीण इबाडपाक घेतल्या, अशें भाजपा आमदार गणपत गायकवाड हांणी एका मराठी खबरां चॅनलाक फोना वयल्यान सांगलें. आपूण शिंदेंक लागूनच फारपेट केला, अशेंय तांचें म्हणणें आसा.
दादागिरी बंद जावंक ना
तांणी सांगलें, ‘म्हजो निधी वापरून काम जालें काय श्रीकांत एकनाथ शिंदे हे आपूण तें काम केलां, अशे फलक लायतात. दादागिरी करून हें करतात. हांवें वरिश्ठां कडेन जायते फावट कागाळ केली. श्रीकांत शिंदेन म्हजेर भ्रश्टाचाराचे आरोप केले. एकनाथ शिंदे हांणी त्या भ्रश्टाचारात कितले पयशे खाल्ले तें सांगचें. हांवें धा वर्सां पयलीं जागो घेतिल्लो. तांकां पयशेय दिल्ले. पूण ते सही करपाक येनाशिल्ले. ताका लागून हांव कोर्टांत गेलों. केश जिखलों. मागीर सात- बारा आमच्या नांवार जालो. मात महेश गायकवाड हाणें तो जागो जबरदस्तीन बळकायलो. हांवें तांकां कोर्टांत वचात, अशें सांगिल्लें. कोर्टाचो आदेश आयल्यार हांव जागो दितां, अशें हांवे सांगिल्लें. पूण तांची दादागिरी बंद जावंक ना. पुलीस स्टेशनांत ते ५०० लोक घेवन आयिल्ले. म्हज्या चल्याक धक्काबुक्की केली. ताका लागून फारपेट केलो. हांव वेवसायीक. म्हज्या पुताक कोण गुन्यांवकार बडयता जाल्यार हांव कितें करतलों? तें हांव सोंसून घेवचो ना.’
दिली तर आम्ही जागा देऊ. मात्र त्यांनी दादागिरी काही थांबवली नाही. पोलीस स्टेशनच्या आवारात तो ५०० लोक घेऊन आला होता. माझ्या मुलाला धक्काबुक्की झाली. त्यामुळे गोळीबार केला. मी एक व्यावसायिक आहे, माझ्या मुलांना कुणी गुन्हेगार मारत असतील तर मी काय करणार? माझ्या मुलाला कुणी मारलं तर मी सहन करणार नाही.”
भाजपा वांगडा गद्दारी करतले
एकनाथ शिंदे हांणी उद्धव ठाकरें कडेन गद्दारी केली आनी भाजपा वांगडाय ते गद्दारी करतले. म्हजे वांगडाय गद्दारी केली. तांचे कडेन म्हजे स्वताचे कोट्यांनी रुपया आसात. ते देवाक मानतात जाल्यार कितले पयशे खाल्ले तें सांगचें. कोर्ट सांगतलें तें म्हाका मान्य आसतलें. पूण महाराष्ट्रांत जमनी संबंदीची गुन्यांवकारी बंद करपाची आसल्यार एकनाथ शिंदेंचो राजिनामो घेवपाक जाय, अशी म्हजी देवेंद्र फडणवीस आनी प्रधानमंत्री मोदी हांकां नमळायेची विनवणी, अशेंय आमदार गायकवाड हांणी म्हणलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
