भांगरभूंय | प्रतिनिधी
भांगरभूंय । प्रतिनिधी
फोंडेंः काशिमठ- बांदोडा हांका खेळयल्ल्या भाऊसाबय बांदोडकार करंड फुटबॉल सर्तीचे फायनलींत एफसी आकसण पंगडान आई लईराई पंगडाक 7 आड 0 अश्या व्हडल्या गोल फरकान सहज हारोवन सर्तीचें वस्तादपण मेळयलें. गौरेश गांवकार हाचो मॅन आफ दी टुर्नामेंट म्हणून खासा इनाम फावो जालें.
एफसी आकसणाचें खेळाचेर सुरवेक सावन वर्चस्व आशिल्लें. तांच्या आक्रमणाच्या चेंपणा खाला लईराई पंगड चेंपून गेलो. गोल वाटावपाचोच तांचो यत्न आशिल्ल्यान गोल करपा कडेन तांका लक्ष दिवपाक मेळ्ळें ना. वट्ट सात गोल पडिल्ल्यान तांचें कांय चल्लें ना.
मडकय मतदारसंघाचो आमदार आनी वीज मंत्री सुदिन ढवळीकार हाचे हस्तुकी इनाम भेटवण कार्यावळ जाली. ताणे रुप्याचो भाऊसाबय करंड एकफी आकसणच्या कॅप्टनाक दिलो. ह्या वेळार मिथील ढवळीकार, अनंत नायक, नरेश गावडे, जिल्हो पंचायत वांगडी प्रिया च्यार, गणपत नायक, सरपंच सुखानंद कुर्पासकार, सरपंच शैलेंद पणजीकार, प्रताप फडते, संकेत मुळे, पंच वांगडी वामन नायक, रामचंद्र नायक आनी हेर मानेस्त हाजीर आशिल्ले. सर्तींत 24 पंगडांनी वांटो घेतिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
