भांगरभूंय | प्रतिनिधी
वॉशिंगटन, खबरां संस्था: इराणी पेट्रोलियम उत्पादनांची विक्री आनी येरादारींत मध्यस्थी केल्ले खातीर अमेरिकन सरकारान भारतांतल्या चार कंपनींचेर निर्बंध घातले. इंडियन एक्सप्रेसच्या वृत्ता प्रमाण, अमेरिकेच्या वित्त विभागान सोमारा एक प्रेस रिलीज जारी करून हे विशीं म्हायती दिली.
अमेरिकेच्या म्हणण्या प्रमाण, इराणची तेल निर्यात बेकायदेशीर शिपींग नेटवर्का वरवीं करता. डोनाल्ड ट्रम्प हांच्या ’चडांत चड चेंपण’ धोरणा खाला, अमेरिका अशा नेटवर्काचेर कारवाय करता, जाका लागून इराणचें उत्पन्नाचें स्रोत थारपाक शकता.
अमेरिकेच्या ट्रेझरी डिपार्टमेंटान म्हणलें:
आयज बंदी घातलेल्यां मदीं युएई आनी हॉंगकॉंगचे तेल दलाल, भारत आनी चीनचे टँकर ऑपरेटर आनी वेवस्थापक, इराणच्या राष्ट्रीय इराणी तेल कंपनीचे मुखेली आनी इराणी तेल टर्मिनल्स कंपनीचो आसपाव आसा. हातुंतल्यान इराणच्या अस्थीर कारवायांक अर्थीक फाटबळ मेळ्ळां.
२ दिल्ली-एनसीआर, १ मुंबय आनी १ तंजावूरची कंपनी
अमेरिकेच्या परराष्ट्र मालमत्ता नियंत्रण कार्यालय आनी परराष्ट्र विभागाच्या मतान, ह्या ४ भारतीय कंपन्यांचीं नांवां आसात- फ्लक्स मेरीटाईम एलएलपी (नवी मुंबई), बीएसएम मरीन एलएलपी (दिल्ली-एनसीआर), ऑस्टिन शिप मॅनेजमेंट प्रायव्हेट लिमिटेड (दिल्ली-एनसीआर) आनी कॉसमॉस लाइन्स इंक (तंजावूर).
ह्या चार कंपनीं मदल्या तीन कंपन्यांचेर इराणी तेल आनी पेट्रोलियम उत्पादनांचे येरादारींत गुंथिल्ल्या जहाजांच्या वेवसायीक आनी तांत्रीक वेवस्थापनाक लागून बंदी घातली. जाल्यार इराणी पेट्रोलियमाचे येरादारींत वांटेकार आशिल्ले खातीर कॉसमॉस लाईन्सचेर बंदी घातिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
