भांगरभूंय | प्रतिनिधी
तज्ज्ञ दोतोरां वरवीं उपचार सुरू आसात: विश्वजीत राणे
पणजी : करंजाळेच्या हल्ल्यांत गंभीर जखमी जाल्ले समाजीक कार्यकर्ते रामा काणकोणकार हांची आयज गोमेकॉंत भलायकी मंत्री विश्वजीत राणे हाणी भेट घेतली आनी तांची विचारपूस केली.
रामाचेर योग्य तरेन उपचार सुरू आसात. उपचारा खातीर दोतोरांची समिती स्थापन केल्ल्याची म्हायती मंत्री राणे हांणी दिली.
रामा काणकोणकार हांचेर १८ सप्टेंबराक करंजाळे हल्लो जाल्लो. ह्या हल्ल्यांत ते गंभीर जखमी जाल्ले. पुलिसांनी हल्ल्या प्रकरणांत दुबावितांक अटक केल्या. सध्या तपास सुरू आसा. रामाची भलायकी गंभीर आसतनाच आयज भलायकी मंत्री विश्वजित राणे हांणी अचकीत गोंय वैजकी महाविद्यालय हॉस्पिटलाक भेट दिली.
रामाचेर योग्य तरेन उपचार सुरू आसात. उपचारा खातीर दोतोरांची समिती स्थापन केल्या. डिस्चार्ज दिवपा विशीं आजूनय निर्णय जावंक ना. उपचारांत कसलेच तरेचो उणाव उरचो ना, अशें आस्वासन भलायकी मंत्री विश्वजीत राणे हांणी दिलें.
मजगतीं, हल्ल्या उपरांत वट्ट १४ दिसांनी रामा काणकोणकार हांणी पुलिसांक जबाब दिलो. पुलिसानी बिरेस्तारा रातीं तांचो जबाब नोंद करून घेतलो. हाका लागून तपासाक आतां दिका मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
