भांगरभूंय | प्रतिनिधी
चेन्नयच्या महाबलीपूरमांत हालींच जाल्ले चेस ऑलिम्पियाड सर्तींत कांश्या पदक जिखपी भारताच्या पंगडाची वांगडी भक्ती कुलकर्णीक गोंयांत उर्बेभरीत येवकार दिलो. ह्या वेळार बुद्दीबळ असोसिएशना कडेन संलग्न विवीध अधिकारी उपस्थीत आशिल्ले.
भक्तीक येवकार दिवपाक युवा आनी खेळां प्राधिकरणाचे शारिरीक शिक्षक उत्तर गोंय उपसंचालक जेनिफर फेर्राव इ गोन्साल्वीस, प्रशिक्षक सहाय्यक संचालक आर्यवीन कार्दोझ, गोवा चेस असोसिएशनाचे सचीव शरेंद्र नायक, भांडारी किशोर बांदेकार, उपाध्यक्ष सत्यवान हरमलकार, जोड सचीव अरविंद म्हामल आनी दामोदर जांबावलीकार, सहकारी वांगडी बाळकृष्ण आनी अमृत नायक, एसएजी बुद्दीबळ प्रशिक्षक संजय कवळेंकार आनी स्वप्नील होबळे, मुरगांव तालुका चेस असोसिएशनाचे अधिकारी, सालसेत तालुका चेस असोसिएशनाचे अध्यक्ष आशेश केणी, सचीव सुनील बाळ्ळीकार, भांडारी दिलीप वेर्णेंकार, तिसवाडी तालुका चेस अध्यक्ष महेश कांदोळकार, क्विन्स चेस क्लब बांबोळीचे अधिकारी, वांगडी, पालक आनी कुटुंबीय उपस्थीत आशिल्ले.
गोवा चेस असोसिएशनाचे अध्यक्ष विनय तेंडुलकार हांणी भक्ती कुलकर्णीक परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
